backup og meta
Matuklasan
Mga Health Tool
Magtanong sa Doktor
I-save

Hikaw Sa Baby, Paano Ba Dapat Alagaan Para Hindi Maimpeksyon?

Narebyung medikal ni Regina Victoria Boyles, MD · Pediatrics


Isinulat ni Jaiem Maranan · a

    Hikaw Sa Baby, Paano Ba Dapat Alagaan Para Hindi Maimpeksyon?

    May alam ka bang mga tip sa pag papabutas ng tainga ng sanggol? Nakakatuwa nga naman makita ang mga sanggol na may suot na cute na hikaw sa baby. Yung ibang magulang ginagawa ito para sa aesthetic na halaga, habang ang iba naman ay para sa tradisyon. Ano man ang dahilan, ito ay nakakatuwang makita.

    Ngayon, palaging may debate kung mas mainam na mag pa butas ng mga tainga ng iyong anak pagkatapos ng kapanganakan, o maghintay na lamang hanggang sa tumanda siya. Magtatalo pa nga ang ilan na kung mas bata ka, mas hindi ito masasaktan.

    Ngunit mayroon ba talagang tamang oras upang mag pa butas ng mga tenga ng iyong sanggol? Magbasa para matutunan ang mga tip sa pagbutas ng tainga ng sanggol, pati na rin ang mga dapat gawin at hindi dapat gawin bago ang pag-aalaga at pagkatapos.

    Ilang taon dapat ang iyong sanggol bago mabutas ang kanilang mga tenga?

    Wala talagang tama o maling sagot sa mga tuntunin ng “angkop” na edad. Bagama’t, ang isang tip sa pagbutas ng tenga ng sanggol — na sasang-ayon ang karamihan sa mga doktor — ay ang pabakunahan muna ang iyong anak bago mabutasan ng tenga. Ito ay para palakasin ang kanilang resistensya kung sakaling magkaroon man ng impeksyon.

    Higit pa rito, hangga’t ang pagbubutas ay ginagawa gamit ang sterile na kagamitan at mga propesyonal na pamamaraan, walang dapat ikabahala. Bilang magulang, responsibilidad ninyong unahin ang tamang aftercare para makatulong sa mas mabilis na paggaling ng butas ng tainga.

    Meron ba itong mga posibleng panganib?

    Ang impeksyon ay malamang na mangyari kung ang kagamitang ginamit ay hindi nalinis ng tama at hindi ligtas gamitin.

    Maaaring magkaroon din ng allergic reaction sa metal ang iyong sanggol, kaya siguraduhing may nakapasok na gintong poste na hikaw, bukod sa aktwal na hikaw sa baby, dahil makakatulong ito na makabawas sa pamamaga at  sa posibilidad ng allergic reaction.

    Isa pang tip sa pagbutas ng tainga ng sanggol: Iwasan ang mga dangling na hikaw upang hindi ito sumabit sa damit o mapag laruan at ipagsapalaran ang pagpunit ng earlobe ng iyong sanggol.

    Ano ang dapat suriin sa panahon ng proseso ng pagbutas ng tenga?

    Para sa kaligtasan ng iyong sanggol, palaging pumili ng isang doktor o isang bihasang technician na magsagawa ng pagbubutas. Bilang karagdagan, iwasan ang mga basta-bastang gumagamit ng piercing gun. Pangkalahatang mahirap i-sterilize kasi ang piercing gun dahil hindi ito pwedeng malantad sa mataas na temperatura ng ganoong katagal upang ito ay ma-sterilize.

    Ang isang hypodermic needle, sa kabilang banda, ay mas ligtas at matalas. Ang mga piercing gun ay higit na umaasa sa pressure sa halip na sa talas ng poste.

    Habang binubutasan ang tainga, ang doktor o technician ay dapat:

    • Maghugas ng kamay bago at pagkatapos ng pagbubutas ng tenga
    • Gumamit ng vinyl gloves
    • Maglagay ng antiseptic solution upang linisin ang earlobe ng iyong sanggol bago magbutas
    • Magbigay ng reseta na numbing cream upang maibsan ang anumang sakit na mararamdaman galing sa tenga

    Ano ang ilang mga magagandang aftercare tips matapos ang pagbubutas ng tenga ng sanggol?

    Inaabot ng anim na lingo bago mag hilom ang butas sa tenga ng sanggol. At inaabot naman ng anim na buwan bago maaaring palitan ng panibagong pares ng hikaw sa baby. Ito’y dahil kapag ang butas sa tenga ay nagpatuloy na walang suot na hikaw, maaari silang magsara ng mag-isa.

    Ang pag-aalaga ng mga bagong butas na tainga ng iyong sanggol ay makatutulong sa mas mabilis na proseso ng paggaling at mabawasan ang panganib ng impeksyon.

    Narito ang ilang mga tip:

    • Hawakan lamang ang butas na bahagi ng malinis na mga kamay. Mas maigi kung iiwasan itong hawakan. Kung ito ay hahawakan, siguraduhin munang nakapaghugas ng kamay
    • Linisin ang tenga, harap at likod, gamit ang alcohol pad at saline solution, kahit dalawang beses sa isang araw.
    • Ikutin ang hikaw ng di tinatanggal sa butas, hindi bababa sa dalawang beses bawat araw. Ito’y upang maiwasan ang mga stud na dumikit sa butas.
    • Palaging suriin kung ang mga hikaw ay mahigpit na naka-lock. Ang mga maluluwag ay maaaring sumabit sa mga damit. At ito ay nagiging sanhi ng pagkapunit ng earlobe o maging isang panganib na aksidenteng malunok at mabulunan.

    Kung sakaling mapansin mo ang anumang pamamaga, pamumula sa paligid ng mga tenga ng iyong anak, maaari itong magpahiwatig ng impeksyon. Humingi kaagad ng propesyonal na tulong.

    Kapag napagpasyahan mo na sa wakas na mag pa butas ng mga tenga ng iyong anak, palaging pumunta sa isang propesyonal upang magawa ang trabaho o sa iyong doktor. Pagkatapos, sundin ang mga tagubilin sa aftercare upang makatulong na mapabilis ang paggaling.

    Alamin ang iba pang mga tip tungkol sa Child Skincare dito.

    Disclaimer

    Ang Hello Health Group ay hindi nagbibigay ng medikal na payo, diagnosis o paggamot.

    Narebyung medikal ni

    Regina Victoria Boyles, MD

    Pediatrics


    Isinulat ni Jaiem Maranan · a

    advertisement iconadvertisement

    Nakatulong ba ang artikulong ito?

    advertisement iconadvertisement
    advertisement iconadvertisement