Pamamanas Pagkatapos Manganak: Bakit Ito Nangyayari?

Ang postpartum swelling o pamamanas pagkatapos manganak ay isang karaniwang pangyayari sa pangkalahatan. Nagaganap ang edema kapag ang liquid (hal. tubig) ay lumipat sa extracellular space o sa spaces sa pagitan ng tissues sa labas ng blood vessels. Maraming mga sanhi at factors na nagko-contribute sa pamamaga. Ang ilan dito ay normal lamang habang ang iba naman ay maaaring mag-indicate ng kondisyon na dapat gamutin. Matuto nang higit pa tungkol sa kung ano ang nagiging sanhi ng pamamanas pagkatapos manganak at kung paano ito i-manage.

Pamamanas pagkatapos manganak

Mga sanhi ng edema

Sa pangkalahatan ang edema ay nangyayari kapag may naipon na tubig sa katawan at kapag may fluid overload ang isang babae kung saan hindi na kaya ng cells nila makahawak ng maraming tubig.

Bukod sa nabanggit, ang sobrang sodium o asin ay maaaring magdulot ng pamamaga. Ito’y dahil hinihila nito ang tubig sa tissues na nagiging sanhi ng retention.

Sa panahon ng pagbubuntis, ang edema ay normal at inaasahan lalo na kapag malapit na ang panganganak, dahil habang lumalaki ang fetus ang ina ay nangangailangan ng mas maraming tubig at nutrients. Ang lumalaking baby ay maaari ding i-compress ang veins sa ibabang bahagi ng katawan. Ang fluid naman ay may posibilidad na mag-build up dahil sa hormones na nagdudulot ng sodium at water retention. Karamihan din sa mga buntis na nakaupo nang matagal o naka-bedrest ay magkaroon ng pinagsasama-samang liquid sa ibabang bahagi ng paa.

Banta sa kalusugan

Sa kabutihang palad, ang edema lamang ay hindi dahilan ng major concern. Kung ang edema ay makikita lamang sa mga bukung-bukong, maaari mo lamang obserbahan ito. Gayunpaman, maraming mga sakit na pwedeng maging sanhi ng edema at kasama sa ilang halimbawa ang:

Bilang karagdagan, ang ilang mga gamot ay maaari ding maging dahilan ng edema bilang isang side effect.

Ang preeclampsia ay isa pang kondisyon na maaaring magpakita ng pamamaga o edema at kasama sa mga senyales ang:

• facial edema
• pagduduwal at pagsusuka
• pananakit ng tiyan
• migraine
• mabilis na pagtaas ng timbang
• pagtaas ng presyon ng dugo

Sinasabi na pangunahing alalahanin ang preeclampsia sa panahon ng pagbubuntis. Pero ang postpartum preeclampsia ay isang bihirang pangyayari na karaniwang nagaganap sa loob ng 48 oras pagkatapos manganak. Ang parehong uri ng preeclampsia ay isang medical emergency. Nangangailangan ito ng agarang tritment para maiwasan ang mga seizure at mga komplikasyon.

Pagma-manage ng pamamanas pagkatapos manganak

Bagama’t ito’y tila isang counterintuitive, ang pag-inom ng mas maraming tubig at pananatiling hydrated ang pinakamahusay na paraan upang maiwasan ang edema. Kapag tayo ay na-dehydrate ang ating katawan ay may posibilidad na makapag-retain o magpanatili ng mas maraming tubig. Na humahantong sa puffiness at pamamaga sa mga bahagi ng katawan, tulad ng mga limbs at mukha.

May papel din ang gravity sa pag-accumulate ng fluid. Ito ang dahilan kung bakit ang mga paa, bukung-bukong, at binti ay ang pinakakaraniwang apektadong lugar. Ang pagtataas ng iyong mga binti habang nakaupo o nakahiga ay maaaring makatulong para maiwasan ang pooling sa lower limbs. At ang paghilig ng iyong likod ay maaaring makapagbawas ng pamamaga sa paligid ng iyong mukha at mga mata.

Gaano katagal ang pamamanas pagkatapos manganak?

Ang pamamaga pagkatapos manganak ay dapat humupa sa loob ng isang linggo o higit pa. Maaaring makatulong sa pagpapalabas ng labis na liquid nang mas mabilis ang pagpapanatili ng isang malusog, balanseng diyeta at pag-inom ng maraming tubig. Ang simpleng ehersisyo sa panahon ng pagbubuntis at pagkatapos ng panganganak ay nakababawas sa pamamaga. Pinipigilan din nito ang mga komplikasyon tulad ng deep-vein thrombosis (DVT).

Ang pagtakbo sa treadmill ay hindi kinakailangan. Ang paglalakad lamang ng 10 minuto sa bawat oras ay sapat na para maiwasan ang pooling ng liquid. Makatutulong din ito sa pagpapahupa ng sintomas ng postpartum depression o baby blues.

Gayunpaman, kung nakararanas ka ng edema na may pananakit, pamumula, o pagkawala ng kulay ng balat, hindi ito normal na postpartum edema. Kausapin mo agad ang iyong doktor kung ang edema ay hindi humupa pagkatapos ng 2 linggo o lumala ito.

Matuto pa tungkol sa Mothercare at ang Postpartum Period dito.