Ano Ang Postpartum Lochia: Ang Karaniwang Pattern
Kaagad pagkatapos ng panganganak, ang isang malaking halaga ng dugo ay dumadaloy mula sa matres hanggang sa ito ay mag-contract. Pagkatapos nito, ang dami ng dugo ay makabuluhang bumababa. Ang kulay at consistency ng discharge ay nagbabago rin sa paglipas ng mga linggo. Ito ay dahil ang lochia ay hindi lamang binubuo ng dugo; nagtataglay din ito ng mucus at iba pang mga tissue mula sa matres.
Kadalasang tinatanong ng mga nagbubuntis o bagong panganak kung ano ang postpartum lochia upang malaman kung gaano katagal ito nararanasan. Ang kabuuang tagal ng postpartum bleeding ay nag-iiba-iba kada babae, ngunit ang average, ayon sa isang ulat, ay 24 hanggang 36 na araw. Mukhang mayroon ding “pattern” sa dami, kulay, at consistency ng vaginal discharge.
Sa una, ang postpartum lochia ay binubuo ng isang malaking halaga ng pulang discharge na kilala bilang lochia rubra. Ang discharge na ito ay nagiging reddish-brown, brown-pink, hanggang tuluyan itong maging kayumanggi at nagkakaroon ng mas matubig na consistency. Ito ay tinatawag na lochia serosa. Pagkatapos ng serosa, darating ang lochia alba, na mayroong madilaw-dilaw hanggang maputi-puti na kulay.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap