Ang mga uri ng kalabasa ay karaniwang mababa sa sodium at phosphorus ngunit mataas sa potassium. Ito ay may benepisyo sa mga taong may problema sa kidney. Ang dami ng potassium na maaari mong makuha sa bawat araw ay depende sa klase ng iyong kondisyon sa kidney at sa uri ng iyong paggamot.
Inirerekomenda ng World Health Organization ang pang-araw-araw na pagkonsumo ng potassium na hindi bababa sa 3510 mg para sa mga nasa hustong gulang. Habang ang American Heart Association (AHA) at ang Institute of Medicine (IOM) ay nagrerekomenda ng potassium na 4700 mg bawat araw. Ang mataas na paggamit ng potassium ay nauugnay din sa pagpapababa ng panganib ng kamatayan mula sa lahat ng uri ng stroke at cardiovascular disease.
Benepisyo ng kalabasa sa hapag-kainan
Ang mabubuting epekto ng kalabasa sa kalusugan ay hindi lamang nakukuha sa mga nutrisyong nakapaloob dito. Sa katunayan, masarap din itong kainin at madaling lutuin. Maaari kang maghurno, mag-ihaw, o mag-steam ng kalabasa. Isama sa ibang gulay at meron ka ng pinakbet o sinabawang gulay. Halos walang katapusan ang mga paraan kung paano mo maihahanda ang kahanga-hangang kalabasa, prutas man ito o gulay.
Dapat Tandaan
Dapat tandaan na kahit ito ay maraming benefits, dapat parin itong kinokonsumo sa tamang dami. Ito ay lalong totoo kung sakaling may kaakibat ng ibang sakit ang pasyente, tulad ng sakit sa bato. Dapat rin maging maingat kung may iniinom na gamot tulad na pang-altapresyon o sakit sa puso tulad ng mga beta-blockers, ACE inhibitors, at diuretics.
Ang diyeta na balanse parin ang pinaka-importante para malabanan ang sakit. Kahit na maraming benepisyo ang kalabasa, hindi sapat na ito lang ang kainin.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap