Maaaring mangyari ang tuberculosis kaninuman. Kaya pinakamainam na malaman ang mga paraan ng pag-iwas sa TB. Ito ay upang maprotektahan ang ating sarili at ang ating mga mahal sa buhay.
Narebyung medikal ni Mae Charisse Antalan, MD · General Practitioner
Maaaring mangyari ang tuberculosis kaninuman. Kaya pinakamainam na malaman ang mga paraan ng pag-iwas sa TB. Ito ay upang maprotektahan ang ating sarili at ang ating mga mahal sa buhay.
Noong taong 2010, kinilala ang tuberculosis na isa sa mga pangunahing sanhi ng pagkamatay sa Pilipinas. Noong 2017, ang sakit ay kumitil ng 1.6 milyong buhay. Sa bilang na ito, 25,000 katao ang mga Pilipino.
Kahit na ang TB ay nakakahawa, ito ay mahirap makuha. Maaari itong kumalat mula sa tao sa tao, pero ito ay dahil sa malapitang kontak.
Halimbawa, ang mga taong mga nakatira sa isang bahay ay mas nasa panganib.
Nagagamot ang tuberculosis at simple ang mga paraan ng pag-iwas dito.
Ang Mycobacterium tuberculosis o tuberculosis, ay isang malubhang sakit kung saan inaatake ng bacteria ang baga ng isang tao.
Kung ang infected na tao ay hindi nagamot ang sakit, maaaring kumalat ang bacteria sa ibang parte ng katawan.
Ang tuberculosis ay endemic sa Pilipinas. Dahil mas laganap ito sa mas masikip at nakakulong na lugar ng bansa tulad ng mga lungsod. Karaniwan na sa mga Pilipino ang nakakakilala ng isang taong nagkaroon ng sakit.
Sa panahon ngayon, may mga pagsisikap na ipaalam sa mga tao ang tungkol sa sakit at kung paano ang pag-iwas sa TB. Gayundin ang mga pagsisikap sa mga pampubliko at pribado na mabigyan ang pangkalahatang populasyon ng mga gamot upang gamutin ang sakit na ito.
Bagaman maraming pagsulong ang nagawa para labanan ang bacteria, hindi ito nagpapakita ng mga senyales ng paghinto. Nananatiling pare-pareho ang bilang ng nahawahan habang lumalaki ang populasyon sa buong taon.
Kahit na ang tuberculosis ay isa sa mga pangunahing sanhi ng pagkamatay sa Pilipinas, posible ang pag-iwas sa TB.
Gumawa ng pananaliksik tungkol sa tuberculosis. Alamin kung ano ito, mga palatandaan at sintomas nito, kung paano ito maiiwasan, at kung paano ito magagamot. Sa ganitong paraan ay makakatulong ka sa pagpigil sa pagkalat ng sakit.
Ang regular na pagpunta sa iyong doktor ay hindi lamang makakatulong upang malaman kung ikaw ay nahawaan ng tuberculosis. Makakatulong din ito sa iyong malaman kung gaano ka malusog (o hindi) sa pangkalahatan.
Dapat mong palakasin ang iyong immune system para labanan ng katawan mo hindi lamang ang TB kundi pati na rin ang iba pang nakamamatay na sakit. Kapag inalagaan mo ang iyong katawan, nagkakaroon ka ng malakas na resistensya laban sa mga mikrobyo, virus, at bakterya na maaaring makahawa sa iyong katawan.
Paano Pinalalakas ang Immune System? Simple lang.
Ang pang-apat na paraan ng pag-iwas sa TB ay ang pag-alam sa tamang ugali kapag umuubo at bumabahing. Bagama’t hindi maiiwasan ang pag-ubo at pagbahing, mahalagang magsanay ng respiratory hygiene.
Kapag uubo ka, siguraduhing kumuha ng tela o tissue para takpan ang iyong bibig. Makakatulong ito upang maiwasan ang pagkalat ng virus o bacteria sa droplets. Ang isa pang tip na ipinapayo ng mga medikal na eksperto ay takpan ang iyong bibig gamit ang iyong bisig at umubo sa nakabaluktot na siko.
Kapag bumahing, takpan din ang iyong ilong. Kung may napansin kang likidong discharge, siguraduhing itapon ang tela o tissue na ginamit mo, para hindi kumalat ang bacteria o virus.
Ugaliin din ang wastong paghuhugas ng kamay.
Kapag nakaramdam ka ng sakit, kumunsulta kaagad sa doktor at magsuot ng mask, kung kailangan.
Sa tulong ng bagong teknolohiya at pagsisikap ng medical professionals, may bakuna na ginagawang immune ang mga sanggol mula sa tuberculosis ay nilikha noong 1920s.
Ang pangalan ng virus ay Bacillus Calmette-Guerin o BCG. Sa mga bansa kung saan mataas ang rate ng impeksyon para sa tuberculosis, ang mga sanggol ay kinakailangan ang mga sanggol ay kinakailangang mabakunahan nito sa kanilang mga unang buwan.
Matuto pa tungkol sa tuberculosis, dito.
Disclaimer
Ang Hello Health Group ay hindi nagbibigay ng medikal na payo, diagnosis o paggamot.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap