Gamot Sa Sakit Ng Puson: Heto Ang Mga Maaari Mong Subukan

Dumating na naman ang araw na kinakatukan mo kada buwan. Bagaman wala naman talagang dapat katakutan, hindi mo na maitatanggi kung gaano kasakit ang iyong puson kapag ikaw ay nagkakaroon. Kung kaya, marami ka ng napagtanungan kung ano ang mabisang gamot sa sakit ng puson. Ibabahagi ng artikulong ito kung ano-ano ang maaari mong subukan. 

Ano Ang Sakit Sa Puson? Bakit Ka Nagkakaroon Nito?

Ang regla o menstrual period ay tumutukoy sa normal vaginal bleeding na bahagi ng buwanang cycle ng babae. Kaakibat ng buwanang kaganapan na ito ang masakit na regla na kinikilala rin bilang dysmenorrhea. 

Gaya ng ipinapahiwatig ng pangalan, ang mga menstrual cramps ay tumutukoy sa tumitibok at nagca-cramp na sakit sa ibabang parte ng tiyan. Mayroong dalawang uri ng dysmenorrhea, ang primary at secondary. Bawat uri ay mayroong iba’t ibang dahilan kung bakit nangyayari ang mga ito. 

Para sa ilang mga kababaihan, nakakainis ang discomfort na kanilang nararamdaman. Ngunit para sa iba, ang menstrual cramps ay maaaring malubha na nakakagambala na sa pang-araw-araw na gawain. Kung kaya, mainam ang mga gamot sa sakit ng puson upang makatulong sa pagbawas ng nararamdamang sakit. 

Sintomas Ng Sakit Ng Puson

Bukod sa pananakit sa mas mababang parte ng likod, maaari ka ring magkaroon ng iba pang mga sintomas tulad ng mga sumusunod:

• Pagduduwal at pagsusuka 
• Pagtatae (diarrhea)
• Pagkahilo 
• Sakit ng ulo

Gamot Sa Sakit Ng Puson

Karamihan sa mga kaso ng menstrual cramps ay mild naman upang magamot sa bahay. Narito ang ilang mga pamamaraan upang maibsan ang pananakit ng puson na maari mong subukan:

Bukod sa mga nabanggit, kabilang din ang mga over-the-counter pain relievers tulad ng ibuprofen at naproxen sa mga gamot sa sakit ng puson. Ang mga nonsteroidal anti-inflammatory drugs (NSAIDs) na ito ay nakatutulong sa pagbawas ng dami ng prostaglandins na ginagawa ng matres upang mabawasan din ang mga epekto nito tulad ng menstrual cramps. Subalit, hindi ka dapat uminom ng mga NSAIDs  kung mayroon kang ulcer o iba pang problema sa tiyan, bato, o atay. Hindi ka rin dapat uminom ng aspirin kung ikaw ay allergic dito. 

Makatutulong din kung ikaw ay makakapahinga at umiwas sa mga stress, alkohol, at tabako. Ang pagkain ng malusog na diyeta ay maaaring isa pang paraan upang maibsan ang pananakit ng puson. Iminumungkahing ang ilang mga bitamina at mineral ay nakatutulong na mabawasan ang mga menstrual cramps.

Bilang karagdagan, ang mga sumusunod ay kinokonsidera ring gamot sa sakit ng puson:

• Acupuncture
• Acupressure
• Nerve stimulation therapies (tulad ng transcutaenous electronic nerve stimulation)

Napapagaan din ng physical therapy ang mga trigger point na maaari ring makatulong sa pananakit.

Alamin ang iba pa tungkol sa Regla dito.