Ang alipunga ay isa sa mga karaniwang uri ng fungal infection. At dahil isa itong karaniwang kondisyon, ang pag-alam kung ang gamot sa alipunga ay mahalaga.
Narebyung medikal ni Mia Dacumos, MD · Nephrology · Makati Medical Center
Ang alipunga ay isa sa mga karaniwang uri ng fungal infection. At dahil isa itong karaniwang kondisyon, ang pag-alam kung ang gamot sa alipunga ay mahalaga.
Ang alipunga ay maaaring hindi naman maging banta sa buhay ng isa, ngunit maaari itong magdulot ng matinding hindi pagka-komportable, at maging ng pananakit kung hindi magagamot. Magpatuloy sa pagbasa upang malaman kung ano ang kondisyong ito, at ano ang mga hakbang na maaring maging gamot sa alipunga.
Ang alipunga, na tinatawag ding tinea pedis, ay isang uri ng fungal infection na nakaaapekto sa paa ng isang tao. Partikular na ito ay makikita sa pagitan ng mga daliri sa paa.
Maaari itong dulot ng fungi na:
Ito ay karaniwang nararanasan ng mga taong pawisin ang mga paa at nagsusuot ng sapatos sa loob ng mahabang oras.
Ang alipunga ay may kaugnayan din sa ibang mga kondisyong gaya ng jock itch o buni. At gaya ng mga nabanggit na kondisyon, ang alipunga ay maaari ding makahawa.
Nangangahulugan itong kung ang isang taong may alipunga ay nagpagamit ng kanyang twalya o sapatos sa ibang tao, maaari itong mahawa. Maaari ding makontamina ang sahig kung ang isang taong may alipunga ay lumakad dito nang nakapaa.
Ang gamot sa alipunga ay mahalaga sapagkat makatutulong din ito para maagapan na mahawa pa nito ang ibang mga tao.
Ang mga sintomas ng alipunga ay mabilis na makita. Narito ang ilang mga sintomas na dapat bantayan:
Ang alipunga ay maaaring maging isang napakasakit na kondisyon, at maaari itong magdulot ng impeksyon sa kuko at sa ibang bahagi ng katawan. Maaari din itong kumalat sa iba’t ibang bahagi ng katawan kung hindi magagamot.
Narito ang ilan sa mga posibleng paraan kung paano mahahawaan ang mga tao ng alipunga:
Kung ikaw ay nahawaan ng alipunga, kailangan mong sundin ang sumusunod na hakbang upang magamot ito:
Ang fungi na nagdudulot ng alipunga ay namumuhay sa madidilim at basang mga lugar. Para maiwasang ito ay kumalat at mas lumala pa, makatutulong ang pagpapanatiling tuyo hangga’t maaari ng iyong mga paa.
Ito ay nangangahulugan na kung ang iyong mga paa ay nababasa dahil sa pawis, kailangan mo itong patuyuin at palitan ang iyong mga medyas. Mas mainam kung magsusuot ka ng tuyong sapatos upang maiwasang mabasa ang nasa loob ng iyong sapatos.
Sa ganitong paraan, mapipigilan mo ang paglaki ng fungi sa iyong mga paa.
Ang pagsusuot ng mga tsinelas o flip flops ay nakatutulong para mahanginan ang iyong paa, at nakapagpapahinto sa pagdami ng bacteria. Magandang ideya rin ang pagsusuot ng tsinelas sa loob ng bahay sa halip na pagyayapak para maiwasan ang pagkalat ng fungi.
Ang alipunga ay madaling magamot sa pamamagitan ng paggamit ng gamot na anti-fungal. May mga cream at powders na mabibilis sa mga botika na maaaring makatulong sa pagpatay ng fungi sa iyong mga paa. Sa ilang mga sitwasyon, ang iyong doktor ay maaaring magmungkahi sa iyo ng isang espesipikong gamot na anti-fungal para magamot ang iyong kondisyon.
Ngunit kadalasan, ang mga over-the-counter na gamot ay nakapagpapagaling ng alipunga nang walang anumang problema.
Gayunpaman, tanadaan na ang mga fungal infections ay kadalasang mas matagal na magamot kumpara sa mga impeksyon na bacteria ang dahilan. Ang paggamit ng mga over-the-counter na mga gamot na ito ay dapat na sa ilalim ng gabay ng isang propesyunal sa kalusugan.
Narito ang ilan sa mga epektibong paraan para maiwasan ang pagkakaroon ng alipunga sa una pa lamang:
Ang pagsasalitan ng mga sapatos na isinusuot ay makatutulong para maipahinga ang sapatos, at makapipigil sa pagkabasa nito. Ito ay higit na mahalaga lalo na kung nagsusuot ka ng sapatos nang buong araw, o kung mayroon kang pawising mga paa.
Sikaping iwasan ang mga masisikip na mga sapatos na gawa sa mga sintetikong materyales. Ang mga ganitong uri ng materyales at kalidad ng pagkakagawa ay hindi nagbibigay ng pagkakataon sa iyong mga paa para makahingi, nasusukol nito ang moisture, na nagiging sanhi ng pagiging breeding ground ng fungi ng iyong mga paa.
Kung pawisin ang iyong mga paa, may mga espesyalisadong uri ng mga foot powder na makatutulong para mapigilan ang sobrang pamamawis ng iyong mga paa. Ang mga tulong na ito ay makapagpapanatili ng pagiging tuyo ng iyong mga paa at maiiwasan din nito ang pagkalat ng fungi,
Hindi lamang dahil hindi komportable ang pagsusuot ng basang medyas, kundi dahil ang mga ito ay isa ring breeding ground para sa mga fungi. Kung ang iyong paa ay pawisin, sikaping magdala ng medyas na pamalit.
Matutulungan nito ang iyong mga paa para hindi mabasa at mapipigilan ang pagdami ng bacteria at fungi.
May ilang mga uri din ng medyas na may anti-fungal properties. Isang magandang ideya rin kung gagamit ng mga ganitong uri ng medyas para matiyak na walang maninirahan o lalaking fungi sa iyong mga paa.
Matuto nang higit pa tungkol sa Kalusugan ng Balat dito.
Disclaimer
Ang Hello Health Group ay hindi nagbibigay ng medikal na payo, diagnosis o paggamot.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap