backup og meta
Matuklasan
Mga Health Tool
Magtanong sa Doktor
I-save

Paano Magtanggal ng Kalyo? Mga Tips Upang Hindi Maimpeksyon

Narebyung medikal ni Mia Dacumos, MD · Nephrology · Makati Medical Center


Isinulat ni Niña Christina Lazaro-Zamora · a

    Paano Magtanggal ng Kalyo? Mga Tips Upang Hindi Maimpeksyon

    Ang mga kalyo, sa pangkalahatan, ay may kaugnayan sa mga corns at sa matigas at nangangapal na bahagi ng balat. Nabubuo ito dahil sa presyon at priksyon. Gusto ng maraming tao na matutuhan kung paano magtanggal ng mga kalyo mula sa kanilang mga paa, kamay, daliri sa paa, na kung saan ay ginagawa na nila.

    Para sa mga pasyente na karaniwang malusog, ang mga kalyo ay hindi nangangailangan ng agarang medikal na atensyon, maliban kung ito ay nagdudulot ng pagiging di komportable.

    Gayunpaman, ang mga malubhang kaso ay maaaring mangailangan ng interbensyong medikal.

    Mga sanhi at palatandaan ng kalyo

    Ang kalyo ay nabubuo dahil sa presyon at priksyon na dulot ng pang-araw-araw na gawi tulad ng sumusunod :

    Ang paglalakad o pagsusuot ng mga sapatos na walang mga medyas

    Maaaring maging sanhi ng pagkikiskisan at pagbuo ng mga kalyo. Maaari ring dulot ito ng mga medyas na hindi angkop o kasya.

    Ang pagpili ng mga sapatos na hindi angkop o kasya

    Sa pangkalahatan, ang mga sapatos tulad ng mataas na takong at sandalyas na masikip ay maaaring humantong sa kompresyon at nakadaragdag ng presyon, partikular sa iyong mga paa.

    Ang masyadong maluwag ding sapatos, ay isa pang dahilan. Habang ang iyong mga paa ay paulit-ulit na nag-slide dahil sa kaluwagan nito, nagkikiskisan din ang iyong paa laban sa sapatos, na sa huli ay nagkakaroon priksyon.

    paano magtanggal ng kalyo

    Ang pagtugtog ng mga instrumento tulad ng mga gitara o paggamit ng mga kasangkapan

    Ang paulit-ulit na paggamit ng mga instrumento tulad ng mga gitara at kasangkapan ay may epekto sa paglitaw ng mga kalyo sa mga daliri. Ito ay sanhi ng paulit-ulit na presyur sa iyong mga kamay.

    Pagsulat

    Ang sobrang pagsulat ay maaaring humantong sa pagkakaroon ng mga kalyo sa mga puwang ng iyong mga daliri dahil sa priksyon na dulot ng bolpen o lapis.

    Kakulangan ng proteksyon ng kamay

    Ang pagganap sa mabigat na gawain na kinasasangkutan ng mga kagamitan (tool) ay lumilikha ng priksyon at presyon. Kapag ginagawa ang mga gawaing ito, magsuot ng guwantes o gear.

    May iba pang mga kondisyon na hindi tuwirang responsable para sa pagbuo ng mga kalyo

    Bunions

    Ang bunion ay isang abnormal na umbok sa paa na nabubuo sa joint na malapit sa isang malaking daliri ng paa. Ito ay mabuto (bony) at madaling makita sa sandaling ito ay nabuo.

    Depormidad ng paa

    Tumutukoy sa iba pang mga depormidad ng paa na responsable sa sanhi ng priksyon o presyon sa mga lugar na pokus nito. Ang mga halimbawa ng naturang mga depormidad ay bone spurs.

    Hammertoe

    Isang depormidad na kung saan ang iyong mga daliri ay nagiging baluktot o kulot (curl up) tulad ng claws.

    Sintomas ng kalyo

    Ang pangangailangang malaman kung paano magtanggal ng kalyo ay maaaring lumitaw kapag nakaranas ka ng mga sintomas tulad ng:

  • Pagbuo ng makapal at matigas na bahagi ng balat
  • Pagiging “tender” o pananakit sa ilalim ng tumigas na balat.
  • Ang balat ay nagiging flaky, waxy, at tuyo
  • Ang isang matigas at makapal na bukol ay nabuo
  • Ang bahagi ng kalyo ay namamaga o masakit
  • Paano Matanggal ang Kalyo

    Ang unang hakbang kung paano magtanggal ng mga kalyo ay nakasalalay sa mga hakbang ng pag-iwas ng mga kalyo at upang hindi ito lalong madebelop. Kasama sa mga halimbawa ang :

    • Magsuot ng pantakip (coverings) na magsisilbing proteksiyon at gear tulad ng guwantes at bota kapag nagtatrabaho
    • Magsuot ng sapatos na may sapat na sukat at espasyo
    • Gumamit ng mga adhesive pad kapag kinakailangan at batay sa payo ng isang doktor

    Gayunpaman, kapag nakita mo ang iyong sarili sa isang kalagayan na kung saan nagkakaroon ka ng kalyo, at nagsisimula nang magdulot ito ng di komportable, pamamaga, o pananakit, maaari mong gawin ang sumusunod:

    • Ibabad ang mga apektadong bahagi sa maligamgam na tubig hanggang lumambot ang balat.
    • Kapag lumambot na ang makapal na balat, huwag tanggalin ang balat dahil maaari itong magdulot ng mas maraming pinsala at madagdagan pa ang posibilidad na magkaroon ng impeksyon.
    • Sa halip, kuskusin nang dahan-dahan ang lugar gamit ang iyong mga daliri muna. Bilang kahalili, maaari ka ring gumamit ng pumice stone, emery board, o wash cloth.
    • Lagyan ng moisturizing cream at lotion ang mga apektadong lugar araw-araw.
    • Maglagay ng cold pack nang hanggang 10-20 minuto kung namamaga ang kalyo o nagdudulot ng sakit.

    Pangunahing Konklusyon

    Ang isang kalyo ay maaaring masolusyunan nang mabilis kung mapapansin kaagad ang pagdebelop nito. Mahalagang isaalang-alang ito dahil ito ay patay na balat. Dahil dito, dapat mag-ingat kung ito ay gagawin sa iyong sarili lamang at walang tamang payo ng doktor. Sa kabilang banda, ang pagsunod sa mga tip sa pag-iwas at paggamot ay makatutulong sa iyo sa pagharap sa mga problema ukol sa kalyo at iba pang kaugnay na kondisyon.

    Matuto pa tungkol sa Iba Pang Mga Sakit sa Balat dito.

    Isinalin mula sa orihinal ng Ingles na akda ni Amable Aguiluz

    Disclaimer

    Ang Hello Health Group ay hindi nagbibigay ng medikal na payo, diagnosis o paggamot.

    Narebyung medikal ni

    Mia Dacumos, MD

    Nephrology · Makati Medical Center


    Isinulat ni Niña Christina Lazaro-Zamora · a

    advertisement iconadvertisement

    Nakatulong ba ang artikulong ito?

    advertisement iconadvertisement
    advertisement iconadvertisement