Karaniwang Gamot Sa Pigsa, Anu-Ano Nga Ba? Alamin Dito

Nagkakaroon ng mga pigsa ang mga tao buhat ng bacterial infection na partikular na nanggaling mula sa Staphylococcus aureus. Ang mga mild na klase ng pigsa ay maaaring gamutin sa bahay, ngunit ang mga mallubhang kaso ay nangangailang ng mga gamot. Sa artikulong ito, ating talakayin ang iba’t ibang karaniwang gamot sa pigsa.

Karaniwang Gamot Sa Pigsa Sa Bahay

Karamihan sa mga kaso ng pigsa ay hindi naman malubhang impeksyon, kung kaya, maaaring gamutin sa bahay. 

Ang paggamit ng warm compress ay isang karaniwang gamot sa pigsa. Ibabad lamang ang isang malinis na tela sa maligamgam na tubig, pisilin ang labis na tubig, at pagkatapos ay dahan-dahang idiin ang tela hanggang sa kumulo nang mga 10 hanggang 20 minuto. Gawin ito ng ilang beses araw-araw. Ang compress ay nakatutulong upang mapabuti ang sirkulasyon ng dugo at mas mabilis na lumabas ang pigsa.

Bilang karagdagan, mayroong ilang mga natural remedy na maaari mong gamitin upang gamutin ang mga pigsa.

Ang turmeric ay isang sangkap na may kalakip na antibacterial at anti-inflammatory properties. Ang mga ito ay tumutulong sa pag-alis ng mga pigsa. Paghaluin ang turmeric powder sa tubig at ilapat ito sa pigsa ng hindi bababa sa dalawang beses araw-araw upang magamit ito bilang isang karaniwang gamot sa pigsa.

Naniniwala ang mga eksperto na ang tea tree oil ay maaaring magtanggal ng mga bakterya na nagdudulot ng mga pigsa dahil sa malakas nitong antibacterial at antiseptic properties. Gayunpaman, dahil ito ay maaaring makasunog ng balat, nangangailan na maihalo muna ito sa olive o coconut oil. Ilapat ang halo na ito sa pigsa 2-3 beses sa isang araw.

Sa kabila ng potensyal na bisa, mainam na kumunsulta muna sa isang doktor bago gumamit ng tea tree oil o turmeric.

Mga Karaniwang Gamot Sa Pigsa

Ang katamtaman patungo sa malubhang anyo ng pigsa ay maaaring mangailangan ng mga paggamot. Ilan sa mga gamot na ito ay maaaring mabili over-the-counter, ngunit ang mga antibiotic ay kadalasang nangangailangan ng reseta ng doktor.

Ang mga karaniwang gamot sa pigsa ay nahahati sa dalawang uri: topical at oral drugs.

Topical drugs ang tawag sa mga gamot na iyong nalalapat sa pigsa, na kadalasang mga ointment at creams. Sa kabilang banda, ang mga doktor naman ay maaaring magreseta ng oral drugs upang mapuksa ang bakterya at maiwasan ang pag-ulit ng impeksyon.

Topical Boils Treatment

Ang mga karaniwang gamot sa pigsa ay kinabibilangan ng mga sumusunod:

1. Mupirocin

Ang Mupirocin ay isang antibiotic ointment na maaaring makapagpagakiling ng mga pigsa dahil kaya nitong labanan ang Staphylococcus aureus. Isang munting paalala na ang S. aureus ay maaari ring maging sanhi ng iba pang mga sakit sa balat, tulad ng mga sumusunod:

• Impetigo
• Eczema
• Psoriasis
• Herpes

Higit pa rito, ang mupirocin ay mabisa sa pagharang ng aktibidad ng isoleucyl-tRNA synthetase enzyme. Ginagamit ng bakterya ang enzyme na ito upang gumawa ng mga protina, na pagkatapos ay makakahawa sa katawan ng tao. Kung wala ang enzyme na ito, ang bakterya ay dahan-dahang mamamatay, na nagpapabilis sa proseso ng pagpapagaling.

Ngunit, ang striktong pagsunod sa utok ng doktor ay kailangan sa paggamit ng naturang medisina. 

Hindi lang ang iyong bato ang maaapektuhan ng gamot, maging ang iba pang parte ng katawan dahil sa mga posibleng side effects. Ilan sa mga ito ay ang mga sumusunod:

• Makati at mainit na balat sa paligit ng pigsa
• Pamamaga ng mukha o labi
• Sakit ng ulo
• Pagkapos ng hininga o pagkahingal 

2. Gentamicin

Ang Gentamicin ay isang uri ng broad-spectrum antibiotic ointment, na kabilang sa aminoglycoside class. Ito ay epektibo at karaniwang gamot sa pigsa dahil nakatutulong ito sa pagpigil ng paglaki ng bakterya.  

Siguraduhing gumamit ng gentamicin ayon sa utos ng iyong doktor. Ang maling pag-aplay o maling dose ay maaaring makabawas ng pagiging epektibo nito. Maari rin nito palalain ang kondisyon. 

Bago gumamit ng ointment, hugasan muna nang mabuti ang iyong mga kamay. Sumunod, maglagay ng thin later ng ointment upang ito ay masuri at maiskor. Gawin ito ng 3-4 beses sa isang araw o ayon rekomendasyon ng doktor. Gamitin ito sa parehong oras araw-araw para sa mas epektibong resulta.

3. Benzocaine

Isa rin ang Benzocaine sa karaniwang gamot sa pigsa dahil maaari itong tumugon sa sakit bilang ito ay isang topical anesthetic. 

Gayunpaman, kung labis ang paggamit, ang benzocaine ointment ay maaaring magdulot ng mga side effect, tulad ng mga sumusunod:

• Pangangati ng balat
• Pamumula
• Pamamaga ng mukha o dila
• Mga pantal

Huwag mag-atubiling magtanong sa iyong doktor o parmasyutiko kung mayroon kang mga pagdududa at alalahanin tungkol sa paggamit ng gamot na ito.

Oral Medicine Para Sa Pigsa

Bilang karagdagan sa mga topical medications, maaaring kailanganin ng ilang pasyente ang mga oral drugs. Narito ang mga karaniwang opsyon.

1. Clindamycin

Karaniwang inirereseta ng mga doktor ang Clindamycin sa mga pasyenteng mayroong malubhang mga impeksyon. Tulad ng Mupirucin, ang Clindamycin ay nakakapagpapigil din ng enzyme na ginagamit ng bakterya para makahawa sa katawan. 

2. Cephalexin

Isa pang antibiotic ang Cephalexin na nabibilang sa klase ng cephalosporins. Kapag ginamit nang tama, maaaring maging napakabisa nito sa pagpigil ng paglaki ng bakterya na nagdudulot ng pigsa.

Ngunit tulad ng iba pang mga klase ng antibiotics, ito rin ay may kalakip na mga side effects tulad ng:

• Diarrhea
• Pagduwal at pagsuka
• Sakit ng tiyan 
• Sakit ng ulo
• Pantal 
• Lagnat 

3. Paracetamol o Ibuprofen

Sa panahon na hindi na gumagana ang topical anesthetic, maaaring kailanganin mong uminom ng paracetamol para sa pananakit. Kung may malaking pamamaga, maaaring irekomenda pa ng doktor ang ibuprofen para pangasiwaan ang parehong pananakit at pamamaga.

Karamihan sa mga pigsa ay hindi na nangangailangan ng espesyal na paggamot. Subalit, nararapat na bigyang atensyon ang mga sintomas na nararamdaman. 

Kung ang pigsa ay magpatuloy sa paglaki ng higit sa 1 cm o kaya naman hindi na ito lumiit at natuyo matapos uminom ng gamot, agad na kumunsulta sa isang dermatologist. Ang pagbisita sa isang doktor ay napakahalaga lalo kung mayroon kang hindi matiis na sakit o nakakaramdam ng namamaga na mga lymph node. 

Ang doktor ay maaaring mag-inject ng local anaesthetic pagkatapos ay patuyuin ang nana mula sa pigsa upang maiwasan ang karagdagang impeksiyon na maaaring mangyari.

Alamin ang iba pa tungkol sa Iba Pang Mga Sakit sa Balat dito.