Gamot Sa Allergy Sa Balat, Anu-Ano Nga Ba Ito? Alamin Dito

Marami ang naghahanap ng gamot sa allergy sa balat, dahil ang madalas na problema ng tao sa skin allergies ay ang pangangati at pamumula ng balat. Hindi ito pwedeng isawalang-bahala lalo na kung nagiging sanhi ito ng discomfort ng isang tao. Kaya naman, pag-usapan natin ngayon ang mga gamot sa allergy sa balat na pwede mong gamitin. Pero bago natin ito talakayin, alamin muna natin ang mga mahahalagang impormasyon tungkol sa allergy para sa mas mahusay na pagbibigay ng treatment sa ating balat.

Ano Ang Skin Allergy?

Madalas na nagkakaroon ng allergy sa balat ang mga indibidwal na may sobrang sensitibong immune system. Kung saan pwede silang makaranas ng matinding allergic reaction gaya ng mga sumusunod:

• Pamumula
• Pamamaga
• Pangangati
• Skin burning sensation
• Pagkakaroon ng bukol at pantal

Nagkakaroon sila ng allergic reaction dahil ang kanilang immune system ay nakakaranas ng mga hindi pangkaraniwang reaksyon mula sa isang hindi pangkaraniwang nakakapinsalang sangkap.

Trabaho ng mga cells ng ating immune system na maghanap ng mga dayuhang sangkap, gaya ng bakterya at virus upang alisin ito. Sa madaling sabi, ang tugon na ito ang nagsisilbing proteksyon ng katawan mula sa mga mapaminsalang sakit. Ngunit kapag may allergy ang isang tao, may ilang mga bagay na nagiging sanhi o trigger ng immune response, kahit hindi ito karaniwang mapinsala.

Anu-Ano Ang Mga Bagay Na Pwedeng Mag-Trigger Sa Skin Allergy?

Pwede kang magkaroon ng allergic skin rashes o alerhiya dahil sa pagkakaroon mo ng exposure sa mga sumusunod na kadalasang mga allergens:

• Insekto
• Pollen
• Mga gamot
• Latex
• Protinang matatagpuan sa ating mga pagkain
• Iba’t ibang mga bagay na pwedeng makairita sa balat gaya ng mga tela ng damit na nakapagdudulot ng friction sa balat

Anu-Ano Ang Kadalasang Allergic Skin Conditions?

Sa pagkakaroon ng iritadong mga balat, pwedeng sanhi ito ng iba’t ibang factors gaya ng mga sumusunod:

• Immune system disorder
• Mga gamot na iniinom o ipinapahid
• Impeksyon

Tandaan na kapag ang isang allergen ay nakapag-trigger ng immune system response, ito ay pwedeng tawagin na isang allergic skin condition.

Narito ang ilang uri ng allergy sa balat na dapat mong malaman:

• Atopic dermatitis (Eczema)
• Contact dermatitis
• Hives (Urticaria)
• Angioedema

Gamot Sa Allergy Sa Balat

Mahalaga na malaman mo ang allergy sa balat at ang mga posibleng bagay na pwedeng mag-trigger ng iyong alerhiya upang mabigyan ito ng angkop na pansin at akmang paggamot. Huwag mo lamang kakalimutan na bago ka uminom ng anumang gamot, magsagawa ng iba’t ibang home remedy, at magpahid ng anumang gamot sa balat ay magpakonsulta muna sa eksperto, doktor, at dermatologist para maiwasan ang anumang medikal na komplikasyon. Hindi pare-pareho ang balat ng tao kaya maaaring hindi maging magkakatulad ang epekto ng bawat paggamot sa tao. Kaya naman mahalaga ang konsultasyon sa doktor at hindi ito dapat isawalang-bahala lamang.

Mayroon tayong iba’t ibang gamot sa allergy sa balat at nakabatay ito sa kasalukuyang kondisyon at sitwasyon na iyong nararanasan sa’yong kalusugan at balat. Pwede magrekomenda sa’yo ang doktor ng mga sumusunod na paggamot.

Narito ang mga sumusunod:

• Cream
• Antihistamine
• Corticosteroid ointment o cream
• Mild soaps
• Mild shampoo
• Iba pang mga angkop na antibiotic

Bakit Mahalaga Na Umiwas Sa Allergens?

Napakahalagang malaman natin kung ano ang mga allergens na nakapagtri-trigger ng ating skin allergy para tuluyan natin itong maiwasan. Sapagkat, ang pag-iwas sa mga allergen ang pinaka mainam na paraang makapag-papaalis ng alerhiya sa ating balat.

Kaya naman gumawa kami ng maikling listahan na pwedeng gawin sa pag-iwas sa’yong mga allergen. Narito ang mga sumusunod:

• Maging maingat sa iyong mga kinakain, inaamoy, iniinom, at hinahawakan.
• Kapag hindi ka pa sigurado sa’yong mga allergen, subukan mong gumawa ng listahan ng iyong mga aktibidad at kinakain sa araw-araw at obserbahan ang partikular na reaction ng iyong karawan sa mga ito
• Panatilihin na malinis ang mga balat.
• Paggamit ng mga mild at fragrance-free soaps at moisturizer.
• Siguraduhin na malinis ang bahay at kagamitan upang makaiwas sa exposure at paglanghap ng alikabok.

Matuto pa tungkol sa Kalusugan ng Balat dito.