Paano Gamutin ang Eczema
Ang eksema, sa mas malubhang mga kaso, ay maaaring maging lubhang nakakapanghina. Paano gamutin ang eksema sa lahat ng mga pag-trigger na ito? Ang ilan sa mga bagay na dapat abangan ay:
Dry Skin
Ang sobrang tuyo na balat ay maaaring magdulot ng tight, magaspang, cracked na balat, na maaaring mag-trigger ng flare-up. Siguraduhing mag moisturize ng iyong balat gamit ang mga iniresetang ointment o gamot.
Mga Irritant
Ang mga irritant ay anumang substance o kundisyon na maaaring magdulot ng flare-up. Ang eksema ay maaaring maging sanhi ng sensitibo at manipis na balat. Dapat siguruhin na maiwasan ang anuman at lahat ng pakikipag-ugnay sa mga irritant tulad ng:
- Tuyong kondisyon. Inirerekomenda na regular na mag moisturize ng iyong balat gamit ang mga iniresetang ointment at sabon. Panatilihing nasa tamang temperatura at moisture ang kapaligiran mo. Maaari kang gumamit ng humidifier para panatilihing moist ang hangin.
- Harsh temperatures. Dahil sa pagkakaroon ng ganoong sensitibong balat, ang masyadong malamig o masyadong mainit ay maaaring makairita sa iyong balat, na maaari ding maging sanhi ng flare-up.
- Usok ng sigarilyo. May mga lason sa usok ng sigarilyo na maaaring makapinsala sa collagen at elastin. Ito ang mga bahagi ng balat na nagpapanatiling malambot at elastic. Para sa eczema patients, ito ay lalong nakakairita at nakakasira sa hypersensitive at brittle na balat na mayroon sila.
- Ilang mga tela at metal. Iwasan ang ilang partikular na tela tulad ng wool at polyester, o mga metal tulad ng nickel, na nagdudulot ng mga allergy at flare-up.
- Matapang na mga sabon at panlinis. Ang mga ito ay maaaring maging sanhi ng labis na pagkatuyo ng iyong balat. Gaya ng nasabi kanina, dapat na pigilan o kontrolin ang pagkatuyo ng balat para maiwasan ang mga flare-up.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap