Pagkain para sa Cancer sa Pantog: Ano ang Dapat at Hindi Dapat Kainin?

Kung na-diagnose na may cancer sa pantog, ngayon ang magandang panahon upang isaalang-alang kung maaari gumawa ng ilang mga pagbabago. Ang pagpapabuti ng pangkalahatang kalusugan at fitness bago tumanggap ng paggamot at/o sumailalim sa operasyon ay malamang na makatutulong na makabawi mula sa mga epekto nang mas mainam. Ang pagpapatuloy sa mga positibong pagbabagong ito sa diet at angkop na pamumuhay ay maaaring magbigay ng positibong pokus. Kung gayon ano ang pinakamahusay na pagkain para sa cancer sa pantog?

May Diet ba na Kailangan Sundin sa Pagkain para sa Cancer sa Pantog?

Tutukuyin ng mga salik ang pinakamainam na gawi sa pagkain kung ikaw ay pagod o nakakaranas ng iba pang mga sintomas. Maaaring mahirap kumain ng masustansya dahil maaaring hindi mo ma-ingest ang dami nito katulad dati.

Upang mapanatili ang pangkalahatang kalusugan, kumain ng iba’t ibang masustansyang pagkain. Iminumungkahi ng ilang ebidensya na ang mga partikular na gawi sa pagkain ay maaaring makatulong na mabawasan ang posibilidad ng kanser sa pantog at pangkalahatang kanser. Hindi minumungkahing sundin ang partikular na diet upang gamutin o maiwasan ang kanser sa pantog.

Ayon sa Italian case-control research, ang Mediterranean diet ay maaaring makatulong na mabawasan ang panganib ng cancer sa pantog. Ang Mediterranean diet ay nagbibigay-diin sa buong wholegrains, munggo, prutas, at gulay. Nagbibigay rin ito ng malusog na fats mula sa mga mapagkukunan kabilang ang isda, mani, buto, at olive oil. Hindi lamang isang diet ang dapat sundin ng mga taong may kanser sa pantog. Gayunpaman, ang Mediterranean diet ay maaaring may mga benepisyo sa pagpapababa ng panganib ng sakit sa puso at pamamaga. Kumonsulta sa dietitian kung ang diet ay naaayon sa pagkain para sa pag-iwas at pagpapagaling ng kanser sa pantog.

Anong mga Pagkain ang Mainam para sa mga Pasyente na may Kanser sa Pantog

Pagkain para sa kanser sa pantog: Ano ang dapat isaalang-alang? Ipinapayo ang isang malusog, balanseng diet dahil ito ay nauugnay sa  mas mababang panganib ng pagkamatay sanhi ng kanser at pag-ulit nito. Kahit na walang anumang mga tiyak na resulta mula sa maraming mga pag-aaral mula sa paksa. Ilang mga ebidensya ay nagmumungkahi na ang ilang mga pagkain, lalo na ang mataas sa antioxidants, ay maaaring may mga anti-cancer properties.

Kabiang sa mga Malusog na Gawi sa Pagkain ang:

Produce at mga Prutas:

Dahil mataas ang mga ito sa antioxidants, ang mga cruciferous na gulay tulad ng broccoli, kale, at Brussels sprouts ay maaaring ang pinakamainam na pagkain sa cancer sa pantog. Gayunpaman, ang mga berry at citrus  ay kamangha-manghang mga pagpipilian din.

Parehong naglalaman ang mga prutas at gulay ng fiber, na maaaring makatulong sa paninigas ng dumi. Mahalaga ang fiber sa pagpapanatili ng malusog na sistema ng panunaw. Ang katawan ay nangangailangan ng iba’t ibang bitamina at mineral, na matatagpuan sa mga prutas at gulay.

Protina

Lahat ng uri ng protina, kabilang ang karne, manok, isda, itlog, beans, lentils, soy products, mani, buto, at mga dairy na produkto, ay nakatutulong upang mapanatili ang malusog na immune system at malakas na muscles. Isama ang mapagkukunan ng protina sa bawat pagkain at meryenda.

Wholesome fats

Isa pa sa mga tips ng pagkain para sa kanser sa pantog ay ang pagsasama sa partikular na sustansya nito. Ang mga taba ay nagpapabuti sa lasa at pagkakayari ng pagkain. Gayundin, ang ating katawan ay nangangailangan ng taba. Ito ay upang makagawa ng mga hormone, sumipsip ng ilang bitamina, at mag-ayos ng cells ng katawan. Ang isda, avocado, mani, buto, at olive oils ay mahusay na mapagkukunan ng fat.

Whole grains

Suriin ang listahan ng mga sangkap ng mga bagay na binibili para matukoy kung “whole grain” ang nabanggit. Dahil ang whole grain ay hindi sumailalim sa malaking pagproseso, karamihan sa kanilang mga mineral at fiber ay nananatili lamang.

Tsaa

Kinakailangan muna ang pagkonsulta sa doktor bago idagdag ang tsaa sa diet ng may kanser sa pantog. Ito ay dahil sa kanilang regimen at mataas na polyphenol na nilalaman nito. Ang ilang mga halaman ay naglalaman ng mga compound na tinatawag na polyphenols na maaaring maging kapaki-pakinabang sa kalusugan.

Ayon sa isang follow-up na klinikal na pag-aaral na isinagawa ng parehong grupo ng mga mananaliksik, ang mga taong may kanser sa pantog, partikular na ang mga lalaki, na umiinom ng green tea ay may mas mahusay na 5-taong survival rate kaysa sa mga hindi.

Superfood

Maaaring pamilyar ka sa salitang “superfood,” na ginagamit upang ilarawan ang iba’t ibang pagkain na mataas sa nutrisyon. Gayunpaman, walang pinagkasunduan sa kung ano ang eksakto at pasok bilang superfood. Marami ding mga pagkaing siksik sa sustansya ang hindi kasama sa kategoryang ito.

Kumain ng iba’t ibang prutas at gulay. Mas makabubuti ang mga may mas maiitim ang kulay. Sa pangkalahatan, ang mas maitim na kulay ng pagkain, mas maraming sustansya ang nilalaman nito. Ang mga prutas at gulay na may iba’t ibang kulay ay may mga espesyal na kemikal na sumusuporta sa kalusugan. Maaari mong pagbutihin ang paggamit ng maraming elementong nagpapainam ng kalusugan sa pamamagitan ng pagsasama ng iba’t ibang kulay sa diet. Bilang karagdagan, maraming mga halamang gamot at pampalasa, tulad ng luya, parsley, paminta, cloves, saffron, buto ng mustasa, at turmerik. Ito ay mayamang pinagmumulan ng mga plant-based compound na tumutulong sa kalusugan.

Mga Tips sa Sustansya at Recipe

Mainam na kumain ng iba’t ibang masusustansyang pagkain, ngunit kung nag-aalala na maaaring hindi nakakakuha ng sapat na sustansya mula sa diet, narito ang ilang mungkahi sa pag-maximize ng nutritional value ng pagkain.

• Dagdagan ang bilang ng mga gulay na ginagamit. Ang mas marami pang mga gulay ang maaaring idagdag sa mga casserole, sopas, at nilaga. Dahil kailangan nila ng mas kaunting paghuhugas at pagpuputol kaysa sa mga sariwang gulay habang pinapanatili ang parehong halaga ng nutrisyon, ang mga nakapirming gulay ay maaaring madaling gamitin.
• Pag-isipang magdagdag ng olive oil sa mga recipe, sarsa, o pareho.
• Maaari ding ipalaman ang mga nut butter o avocado sa toast o crackers.
• Ang pagsasama ng protina sa mga pagkain at meryenda ay makatutulong na matugunan ang pang-araw-araw na pangangailangan sa protina. Mayaman na pinagmumulan nito ay kinabibilangan ng mga buong itlog, salmon, almond, buto, at Greek yogurt.
• Ang anumang bagay na batay sa gatas ay madaling madagdagan ng skim milk powder upang mapataas ang antas ng protina.
• Maaari ding mag-eksperimento sa pagdaragdag ng ginutay-gutay na keso sa mga itlog, patatas, o lutong gulay, pati na rin sa mga de-latang beans o peas.

Pagkain para sa Cancer sa Pantog: Pagkain at Inumin na Dapat Iwasan

Ang arsenic ay maaaring natural na mangyari sa ilang mga lokal o resulta ng industriya o agricultural practices. Nagdudulot ito ng kanser sa pantog. Ang mga rate ng kanser sa pantog ay mas mataas sa mga lugar kung saan ang suplay ng tubig ay naglalaman ng mas maraming arsenic. Kung gagamit ng tubig-balon, siguraduhing ipasuri ito kahit isang beses sa isang taon upang masuri ang antas ng arsenic. Maaaring alisin ang arsenic sa mga supply ng tubig gamit ang mga partikular na pamamaraan, na ginagawang ligtas na inumin ang tubig.

Isa pang pananaliksik ang potensyal na may kaugnayan sa pagitan ng pulang karne, partikular na naproseso na pulang karne, at ang panganib ng kanser. Nalaman mula sa 2018 meta-analysis na ang mga taong kumakain ng mas maraming naprosesong pulang karne ay may mas mataas na panganib na magkaroon ng kanser sa pantog. Gayunpaman, ang pulang karne na hindi pa naproseso ay hindi maaaring magpataas ng panganib ng kanser sa pantog. Ipinapakita rin ng pananaliksik na ang mga Western-style diet, na malamang na mataas sa mga pagkaing naproseso, ay nagpapataas ng panganib ng pag-ulit ng kanser sa pantog.

Mainam ba ang Epekto ng Ilang Dietary Supplement?

Dapat bang isaalang-alang ang mga supplement upang makadagdag sa pagkain ng pasyenteng may kanser sa pantog? Batay sa kalusugan, maaaring payuhan ng doktor ang pag-inom ng mga partikular na bitamina. Kung nakakaramdam ng pagkahilo, ang kanser o paggamot ay maaaring sisihin. Kung ganoon, maaari nilang suriin ang dugo para sa mga lebel ng iron at bitamina B12.

Ang pag-inom ng probiotics pagkatapos makatanggap ng antibiotic para sa sakit ay maaaring maging kapaki-pakinabang. Ang mababang level ng iron o B12 sa dugo ay maaaring magpalala ng pagod. Maaaring makatulong ang mga supplement na mapataas ang lebel nito.

Mahalaga ang mga antibiotics sa paggagamot dahil inaalis nito ang mga pathogenic bacteria, ngunit inaalis din nito ang ilang mga kapaki-pakinabang na bacteria na maaaring magdulot ng mga problema sa tiyan. Maaaring palakihin ng mga probiotic ang mga kapaki-pakinabang na bacteria sa digestive tract, na maaaring makatulong na bawasan ang mga sintomas ng gas, bloating, at pagtatae. Maaaring hindi masyadong epektibo ang mga probiotic sa pagpigil sa pag-ulit ng kanser sa pantog. Bagaman mayroon ding kaunting ebidensya na sumusuporta rito.

Dahil ang ilang probiotic strain ay maaaring hindi angkop sa ilang mga pasyente na may kanser sa pantog, mahalagang kumunsulta sa doktor bago gumamit ng mga probiotic. Bilang karagdagan, ang iba pang mga nutrisyon sa katawan, tulad ng bitamina D at folate, ay maaaring maubos bilang resulta ng therapy sa kanser. Kung mayroon mga alalahanin tungkol sa pagkaubos ng nutrisyon na dulot ng therapy sa kanser, makipag-usap sa iyong healthcare professional.

Paano kung Pahirapan ang Pagkain

Iminumungkahi ng American Cancer Society na tumanggap ng tulong mula sa pamilya at mga kaibigan na nag-aalok na magdala ng mga pagkain o meryenda o bumili ng mga item. Panatilihin ang mabilis na paghahanda ng meryenda at pagkain upang mabawasan ang oras ng paghahanda. Subukang kumain ng masustansyang pagkain kada ilang oras. Subukang kumain ng bagay na magbibigay ng enerhiya. Mayroong iba’t ibang mga kadahilanan kung bakit maaaring mahirap kumain ng sapat na nutrisyon, lalo na kung ang paggamot sa kanser ay naging sanhi ng pagkawala ng iyong gana.

Kung nahihirapang kumain ng sapat na calorie, tumutok sa mayaman na calorie, mataas na protina na pagkain tulad ng mga itlog, peanut butter, at keso. Kung ang pag-inom ay tila mas maginhawa kaysa sa pagkain ng mas malaking pagkain, isaalang-alang ang paggamit ng nutritional supplement shakes o paggawa ng smoothies. Ang ilang mga tao ay nakahahanap ng lunas mula sa kanilang mga sintomas sa pamamagitan ng paglanghap ng sariwang lemon. Panghuli, uminom ng maraming tubig. Maaari kang makakita ng mga mura at starchy na pagkain na mas madaling i-tolerate, tulad ng pasta, crackers, tinapay, o cereal.

Mahalagang Tandaan

Walang pinakamahusay na paraan upang kumain kapag mayroong kanser sa pantog, ngunit may mga bagay na maaaring gawin upang mapabuti ang kalusugan. Kabilang dito ang pag-ani ng mga pakinabang ng Mediterranean diet na mayaman sa prutas, gulay, at masustansyang fats. Kung hindi posible, subukang kumain ng iba’t ibang masustansyang pagkain. Kung nahihirapan kumain, makipag-usap sa kwalipikadong dietician.

Matuto pa tungkol sa Kanser sa Pantog dito.

Ang Hello Health Group ay hindi nagbibigay ng medikal na payo, diagnosis o paggamot.