- Stage 4C. May ganap na cancerous na mga pagkalat sa peritoneum.
Ano Ang Colon Cancer: Mga Karaniwang Tanong Tungkol Dito
Narito ang ilan sa mga karaniwang tanong tungkol sa uring ito ng cancer:
Sino ang may tyansang magkaroon ng colorectal cancer?
Ang pagkakaroon ng personal o family history ng colorectal cancer o polyps ay nakapagpapataas ng tyansa ng pagkakaroon ng sakit na ito. Ang mga kalalakihan at kababaihang nasa edad 50 pataas ay halos may parehong tyansa ng pagkakaroon nito. May mas malaking tyansang magkaroon ng colorectal cancer ang mga taong may mahabang personal history ng inflammatory bowel illness.
Gaano kakaraniwan ang colorectal cancer?
Sa kasalukuyan, ang colorectal cancer ay ang ikatlo sa pinakakaraniwang site ng malignancy sa Pilipinas. Mula 2010 hanggang 2015, tumaas ang bilang ng mga nagkaroon nito mula 5, 787 ay naging 9, 625.
Sa Estadong Unidos naman, ang sakit na ito ang ikalawa sa pinakakaraniwang cancer. Mahigit 56, 000 mga Amerikano ang namatay mula sa colorectal cancer, na may mahigit 140, 000 na mga bagong kasong na-diagnose. Mas maraming mga kababaihang higit 75 taong gulang ang namatay dahil sa sakit na ito kaysa sa cancer sa suso. Dagdag pa, 80 hanggang 90 milyong mga Amerikano ang sinasabing may tyansang magkaroon nito dulot ng edad at iba pang mga salik.
Gaano katagal nadedevelop ang colorectal cancer?
Kapag nadevelop ang cancer sa colon, ang paglubha nito ay magiging iba-iba depende sa cellular make-up ng tumor ay iba pang mga salik, tulad ng edad ng pasyente at kanyang kabuoang kalusugan. Bagama’t karamihan sa polyps na ito ay hindi nadedevelop sa cancer, ang ilan ay maaaring unti-unting maging cancer sa paglipas ng halos 10-15 taon.
Maaari bang makaligtas sa colorectal cancer sa loob ng 10 taon?
Ang 5-taong survival rate ng colorectal cancer ay 91% kung ito ay matuklasan sa localized stage; 72% naman kung ito ay kumalat sa katabing tissues o organs o local lymph nodes, at 14% kung marating nito ang malayong bahagi ng katawan. Sa loob ng 10 taon, ang survival rate ay 2% o mas mababa pa.
Matuto pa tungkol sa Colorectal Cancer dito.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap