Orgasm ng Babae: Paano mo Malalaman Kung Paparating Na?

Hanggang ngayon, ang orgasm at sexuality ng mga babae ay lubos na pinagtatalunan. Mula sa mismong pag-iral nito pati ang lokasyon ng clitoris, hanggang sa mga senyales ng climax ng babae, at maging ang biyolohikal na layunin nito. Habang ang mga mananaliksik ay nagsasagawa ng higit pang mga pag-aaral para maunawaan ang paggana nito, may ilang mga paniniwala na ang na-debunk na at mga tanong na nabigyan ng kasagutan.

Ano ang Signs ng Orgasm ng Babae?

Ang orgasm ay tinukoy bilang matinding kasiyahang nakukuha sa panahon ng sekswal na aktibidad, na karaniwang maaaring makamit sa isang kapareha o sa pamamagitan ng masturbesyon.

Pagdating sa orgasm ng babae, ang ilan sa mga nakikitang climax na palatandaan at sintomas ng babae ay kinabibilangan ng:

• Mabilis na tibok ng puso
• Pagbabago sa paghinga
• Paglabas ng mga hormones prolactin at oxytocin
• Hindi sinasadyang pag-urong ng mga muscles sa ari at matris
• Paglabas ng matinding kasiyahan na tumatagal ng ilang segundo
• Pagkatapos ng orgasm, maaaring lumitaw ang isang “sex flush”

Katulad ng ejakulasyon ng isang lalaki sa climax, ang ilang kababaihan ay “nag-eejaculate” rin. Sa mga kababaihan, ito ay tinutukoy bilang “ejakulasyon ng babae,” kung saan ang isang makapal, gatas na likido ay inilabas mula sa mga glandula ng Skene malapit sa urethra.

Bilang karagdagan, ang orgasm ay bahagi ng sexual response cycle, na tumutukoy sa mga yugto at pagkakasunud-sunod ng mga pisikal at emosyonal na pagbabago na nagaganap sa sekswal na aktibidad, na kinabibilangan ng:

• Pananabik
• Plateau
• Orgasm
• Resolusyon

Orgasm ng babae: Mga Paniniwala at Tanong

Tulad ng nabanggit, maraming mga paniniwala ang mayroon sa orgasm ng babae, at palatandaan ng kanilang climax. Para maliwanagan pa sa ilang mga bagay tungkol sa orgasm ng babae, patuloy na basahin ang article na ito.

Ang women climax ay makakamit lamang ba sa pamamagitan ng penetrative sex?

Habang ang ilang kababaihan ay nakararanas ng orgasm sa panahon ng penetrative sex, karamihan sa mga kababaihan ay mas matagumpay na nakakamit ang orgasm sa pamamagitan ng clitoral stimulation. Ayon sa isang pag-aaral, ito ay tumatagal sa pagitan ng 10 hanggang 20 minuto para sa mga kababaihan sa orgasm. Ngunit ang orgasm ng isang babae mismo ay tumatagal sa pagitan ng 20 segundo hanggang isang minuto.

Gayunpaman, ang orgasms ay nangangailangan ng higit pa sa pisikal na pagkilos ng pakikipag-sex at pagpapasigla. Sa ilang mga kaso, ang mga kababaihan ay maaaring makamit ang orgasm kahit na walang direktang pagpapasigla.

Para sa maraming kababaihan, ang pagiging aroused at pagkamit ng climax- bukod sa pisikal na pagpapasigla – ay nangangailangan ng pag-touch sa kanilang sikolohikal at emosyonal na kagalingan. Kaya, mayroong mga pag-aangkin na ang ilang mga kababaihan ay maaaring “mag-isip” sa kanilang sarili sa pag-abot sa orgasm.

May katotohanan pa ang squirting?

Higit pang mga pag-aaral ang kailangan para maunawaan ito, ngunit ang pag-squirt ay totoo. Pinag-aaralan pa rin ng medical community ang pinagmulan at komposisyon ng likido na inilalabas sa squirting. Ang female ejaculate at squirting ay ginagamit interchangeably. Gayunpaman, mahalagang tandaan na ang medikal na komunidad ay dini-differentiates ang pambabaeng ejakulasyon mula sa squirting.

Ang female ejaculate ay ang na likido na ginawa ng female prostate o Skene’s glands. Sa kabilang banda, ang squirting ay tumutukoy sa hindi sinasadyang paglabas ng parang ihi na likido na inilabas sa panahon ng sekswal na aktibidad.

Totoo bang mabubuntis ka lang kung parehong magkakaroon ng orgasm ang lalaki at babae?

Hindi ito totoo. Kung ang isang lalaki ay nag-eejaculate habang nakikipag-sex, at ang tamod (sperm) ay nakakatugon sa itlog para sa egg for fertilization, kung gayon ang pagbubuntis ay posible, hindi alintana kung ang babae ay nag-orgasm o hindi.

Gayunpaman, pinaniniwalaan na ang orgasm ng babae ay maaaring makatulong na mapalakas ang mga pagkakataon ng conception sa pamamagitan ng mas mahusay na pagpapanatili ng tamud (sperm) sa panahon ng pakikipag-sex. Ito’y dahil sa panahon ng female orgasm, ang pelvic muscles ay kumukontra at itinutulak ang tamud (sperm) pabalik sa cervix, na nagpapalakas ng pagkakataon na ang tamud (sperm) ay makakatugon sa itlog.

Ang orgasms ba ng babae ay para lamang sa kasiyahan?

Bukod sa pagtulong para mapanatili ang tamud (sperm), ipinapakita ng pananaliksik na ang mga orgasm ng babae ay maraming benepisyo sa kalusugan, tulad ng pag-alis ng pananakit ng ulo. Sa ilang mga kaso, ang mga doktor ay maaaring magrekomenda ng orgasm para mahikayat ang labor sa mga buntis na kababaihan.

Sa panahon ng orgasm, isa sa mga climax sign ng babae ay ang paglabas ng oxytocin – ang happy hormone – sa katawan. Ito’y humahantong sa babae na makaramdam ng pagkarelaks at pagkakontento, na makapag-bond ng mas malalim sa kanilang kapareha. Ang mga benepisyo ng pag-orgasm sa babae ay sikolohikal.

Totoo ba na ang mga babae ay dapat magkaroon ng maraming orgasm habang nakikipag-sex?

Maaaring may ilang hindi makatotohaang ekspektasyon tungkol sa orgasm ng babae dahil sa mga maling istandard sa pornograpiya at kakulangan sa edukasyon. Habang ang mga kababaihan ay maaaring makaranas ng maraming orgasms, ang pananaliksik ay nagmumungkahi na 15% lamang ng mga babae ang nakakaranas ng maraming orgasms.

Maramihang orgasms ang nagaganap dahil ang mga babae ay nananatili sa mas mataas na lebel ng arousal pagkatapos ng climax. Ang mga lalaki, sa kabilang banda, ay nangangailangan ng “refractory” period.

Hindi ba nakakaranas ng blue balls ang mga kababaihan?

Ang blue balls ay tumutukoy sa kalagayan ng mga lalaki kapag, pagkatapos ng arousal, ay hindi sila nakapag-orgasm o makahanap ng release. Ito’y maaaring magdulot ng pananakit, aches, at pangkalahatang discomfort na nakatuon sa ari. Ito’y karaniwang hindi nakamamatay. Maaaring maranasan din ito ng mga kababaihan, lalo na kung hindi nila makakamit ang orgasm pagkatapos ma-arouse. Tinutukoy ito ng ilan bilang “pink balls.”

Totoo ba na ang mga kababaihan ay nagpe-peak sexually sa kanilang late 20s hanggang 30s?

Ang mga lalaki ay maaaring makaranas ng erectile dysfunction habang sila ay tumatanda. At ang mga babae ay maaaring makamit ang mas maraming orgasms habang sila ay tumatanda.

Posibleng nangyayari ito dahil sa pisikal na pagbabago ng klitoris o kaya dahil sa kanilang kumpiyansa at kamalayan sa sekswalidad. Kaya’t ang mga kababaihan ay maaaring makamit ang multiple orgasms kahit na tumatanda sila.

Sa panahon ng menopause maaaring mangyari ang mga pisikal na pagbabago. Maaari rin itong makaapekto sa sexual function at libido. Sa pamamagitan ng pag-unawa sa’yong sekswalidad at mga climax sign ng babae, mas makikilala mo ang mga pagbabago sa’yong katawan habang ikaw ay tumatanda.

Habang ang mga kababaihan ay maaari pa ring mag-enjoy sa pakikipag-sex nang hindi nakakamit ang orgasm, maaari itong maging isang alalahanin kung gusto nilang mag-orgasm ngunit hindi nila makamit.

Ang ilang mga sumusunod na dahilan kung bakit maaaring hindi maabot ng mga babae ang orgasm:

• Kakulangan ng kaalaman tungkol sa sex
• Kakulangan ng kamalayan at pag-unawa sa sekswal na pagnanais ng isang tao
• Hindi sapat ang foreplay o stimulation
• Mga problema sa relasyon
• Stress o depresyon
• Traumatikong karanasan
• Mga pagbabago sa hormonal tulad ng sa menopause
• Mga kondisyon sa kalusugan tulad ng sakit sa puso o multiple sclerosis

Para sa mga babaeng naghahanap ng dahilan ng kanilang kawalan ng kakayahan sa orgasm, maaari nilang lapitan ang kanilang OBGYN o isang therapist. Ang mga medikal na doktor, sa sandaling matama nilang masuri ang iyong kondisyon, ay maaaring magbigay ng tamang tritment at gamot kung available. Ang gamot ay karaniwang para sa mga dumaranas ng mga pagbabago sa hormonal, diabetes, at iba pa.

Kung emosyonal o sikolohikal ang sanhi, maaaring magrekomenda ng sesyon sa isang therapist. Para sa mga mag-asawa, makatutulong din ang isang sex therapist na tugunan ang mga isyu nang magkasama.

Matuto pa tungkol sa Sekswal na Kalusugan dito.