backup og meta
Matuklasan
Mga Health Tool
Magtanong sa Doktor
I-save

Adik Sa Sex: Ano Ang Maaaring Gawin Tungkol Dito?

Narebyung medikal ni John Paul Abrina, MD · Oncology · Davao Doctors Hospital


Isinulat ni Corazon Marpuri · a

    Adik Sa Sex: Ano Ang Maaaring Gawin Tungkol Dito?

    Ang pagka-adik sa sex, na kilala rin bilang compulsive sexual behavior, ay walang sariling pormal na pamantayan. Sa halip, ito ay nauugnay sa iba pang mga kondisyon tulad ng mga sakit sa pagkontrol ng impulse o behavioral addiction. Ang pinakamadaling paraan para ma-detect ang compulsive sexual behavior o pagka-adik sa sex ay ang pagtukoy sa mga clinical features nito. Ngunit ang mga ito ay maaaring iba-iba.

    Mga Clinical Features ng Sex Addiction

    Ang mga pasyenteng adik sa sex o dumaranas nito ay kadalasang nagpapakita ng signs ng patuloy na paggawa ng mga sexual activities. Ito ay kahit na may mga negatibong kahihinatnan ang kanilang mga aksyon. Ito ay halos kapareho sa hindi pangkaraniwang bagay na nakikita natin sa mga pasyente ng substance use at impulse control disorders.

    Tulad ng iba pang mga adiksyon, ang mga pasyente na may compulsive sexual behavior ay may posibilidad na gamitin ang kanilang addiction upang makatakas mula sa pisikal o emosyonal na sakit. 

    Ginagamit nila ang sex bilang coping mechanism para sa kanilang mga stressors sa buhay. Ang nangyayari dito ay ang kanilang inaasal ay posibleng magresulta sa mas maraming problema sa kanilang buhay. Ito ay nagiging sanhi na mapunta sila sa isang dangerous stress cycle, coping, at karagdagang stress.

    Diagnosis ng Compulsive Sexual Behavior

    Ang diagnosis ng compulsive sexual behavior ay nahahati sa paraphilic at nonparaphilic.

    Paraphilic sexual behavior

    Kung titingnan ang kanilang kaibahan, ang paraphilic sexual behavior ay tumutukoy sa mga pasyenteng may significant impairment. Ito ay dahil sa kanilang pagka-adik sa sex na kinabibilangan ng exhibitionism, voyeurism, sexual masochism, sexual sadism, transvestic fetishism, fetishism, at frotteurism.

    Tandaan, upang maiuri ito bilang sex addiction, ang pag-uugali ay dapat na nakababahala at nagdudulot ng malaking pinsala sa buhay ng isang tao. Kaya naman ang pedophilia at fetishism ay hindi karaniwang nauugnay sa pagiging adik sa sex.

    Nonparaphilic sexual behavior

    Ang nonparaphilic sexual behavior naman  ay ang mga aktibidad na sekswal na mas karaniwan. Maaaring kabilang dito ang compulsive masturbation, pagbabayad sa mga prostitute, labis na panonood ng pornograpiya, extramarital affairs, at pagdalo sa mga strip club. 

    Sex Addiction Therapy

    May iba’t-ibang uri ng treatment na available para sa pagka-adik sa sex. Ang widely available na sex addiction therapy ay ang Sexual Addicts Anonymous, Sexaholics Anonymous, at Sex and Love Addicts Anonymous. Sa Pilipinas, maaaring mahirap na makahanap ng mga support group. Ito ay tulad ng mga nabanggit, isang modelo mula sa  12-step theory and practice. Ito rin ay kadalasang ginagamit sa Estados Unidos.

    Ang mga inpatient at outpatient treatment programs para sa sex addiction ay makakatulong sa pamamagitan ng pag-identify sa core triggers. Kasama dito ang mga paniniwala ng pasyente tungkol sa kanilang adiksyon.

    Makakatulong ito sa kanila na gumawa ng mas mahusay na mga desisyon at bumuo ng iba pang mga coping mechanism para mapababa ang mga urges  at pag-give in sa mga ito.

    Ang Indibidwal na Psychotherapy para sa sex addiction ay karaniwang may kasamang 2 uri ng therapy:

    • Cognitive Behavioral Therapy (CBT)

    Ang ganitong uri ng therapy ay ang karaniwang ginagamit sa mga pasyente na may mga substance use disorder. Ang pokus ng therapy na ito ay upang matukoy ang mga nag-trigger para sa mga sexual behavior. Gayundin, ito ay para subukang baguhin ang mga pangit na pagtingin ng pasyente tungkol sa kanilang mga sekswal na pag-uugali. (Halimbawa, kapag ang isang pasyente ay niloloko ang kanyang asawa at sinabing “Nagbabayad lang ako para sa sex, wala akong pakialam sa kanya”). Nakatuon ang CBT sa pagpigil sa mga pagbabalik ng negatibong gawi na mangyari.

  • Psychodynamic psychotherapy

  • Sinasaliksik ng pamamaraang ito ng therapy ang mga iniisip ng pasyente at sinusubukang tukuyin ang mga pangunahing conflicts para sa negatibong sexual behavior.

    Mayroon ding mga anyo ng sex addiction therapy, gaya ng motivational enhancement therapy (MET) at couples therapy. Maaaring maging kapaki-pakinabang ang motivational enhancement therapy. Matutulungan nito ang mga pasyente na maging mas motivated na baguhin ang kanilang pag-uugali. Kung may cravings,  maaari nilang i-resist ang kanilang addiction. Ang therapy ng mga mag-asawa ay nakadirekta sa kanilang relasyon na maaaring nasira dahil sa pagka-adik sa sex.

    Sex Addiction Therapy Through Medication

    Walang partikular na gamot/mga gamot na partikular na ginagamit para sa treatment ng sex addiction. Gayunpaman, ang Selective Serotonin Reuptake Inhibitors (SSRIs) at Mood Stabilizers ay nakita na nababawasan ang nararamdamang urges ng pasyente para sa sexual activities. Higit pa rito, ang mga SSRI ay ginamit sa mga pasyenteng may depresyon. Ito ay maaaring makatulong sa paggamot sa mga sintomas ng depresyon na nauugnay sa pagka-adik sa sex.

    Ang isa pang gamot na ginagamit sa treatment ng pathological gambling at kleptomania (parehong compulsive disorder) ay ginagamit din sa sex addiction therapy.

    Gaano Kabisa ang Mga Paggamot?

    Nakadepende ng husto sa pasyente kung magkakaroon ng malaking epekto sa kanyang kondisyon ang therapy at medications. Kung ang pasyente ay handang magbago at humingi ng tulong sa sariling kagustuhan, mas mataas ang posibilidad na magtagumpay sa paggamot.

    Key Takeaways

    Nasusuri ang sex addiction batay sa klinikal na presentasyon at ang epekto ng sexual behavior sa buhay ng pasyente. Kung ginamit bilang isang coping mechanism sa mga stressor at nagdudulot ng karagdagang stress sa pasyente, maaari nating i-consider ito bilang sexual addiction.
    Mayroong maraming mga option sa paggamot na magagamit para sa mga pasyenteng dumaranas ng sex addiction. Maaaring kabilang dito ang iba’t ibang uri ng psychotherapy pati na rin ang mga gamot. 
    Ang unang hakbang sa recovery ay ang pag-alam at pagtanggap na may problema at paghingi ng propesyonal na tulong.

    Disclaimer

    Ang Hello Health Group ay hindi nagbibigay ng medikal na payo, diagnosis o paggamot.

    Narebyung medikal ni

    John Paul Abrina, MD

    Oncology · Davao Doctors Hospital


    Isinulat ni Corazon Marpuri · a

    advertisement iconadvertisement

    Nakatulong ba ang artikulong ito?

    advertisement iconadvertisement
    advertisement iconadvertisement