Pagmasahe Ng Dibdib, Paano Nakakatulong Sa Breastfeeding?

Madalas gustong pasusuhin ng mga mommy ang kanilang sanggol hangga’t kaya nila; gayunpaman, may mga pagkakataon na ang kakulangan ng suplay ng gatas at kakulangan sa ginhawa–sa harap ng mga nararanasan tulad ng pamamaga at pananakit, ay tila pinipilit silang huminto. Narito ang magandang balita: kung gusto mong pagbutihin ang iyong pangkalahatang karanasan sa pagpapasuso, maaaring makatulong ang pagmasahe sa dibdib.

Maraming layunin ang breast massage

Ang pag masahe ng dibdib ay maaaring maging kasangkapan upang matukoy ang kanser sa suso. Sinabi ng mga ulat na humigit-kumulang 25% ng mga kababaihan sa Estados Unidos ang nakakita ng kanilang kanser sa suso sa pamamagitan ng pagsusuri sa sarili.

Ang isa pang potensyal na layunin ng breast massage ay ang pag-iwas sa lymphedema sa mga braso o dibdib. Ang Lymphedema, na nagpapakita bilang pamamaga, ay karaniwang nangyayari dahil sa pagiipon ng mga lymph fluid sa mga fatty tissue sa ilalim ng balat.

At, siyempre, ang massage therapy ay tila nagpapabuti sa pangkalahatang karanasan sa pagpapasuso. Narito kung paano.

Ang Mga Benepisyo ng Pagmasahe ng Dibdib

Ayon sa mga pag-aaral, ang breastfeeding massage therapy, na tinatawag ding therapeutic breast massage in lactation (TBML), ay maaaring makatulong sa:

• Pananakit ng dibdib: Napagpasyahan ng isang siyentipikong pagsisiyasat na ang TBML ay nakakatulong sa pagpapalumanay ng matinding pananakit ng dibdib na kaugnay sa stasis ng gatas o hindi inaasahang koleksyon ng gatas sa mga glandula ng mammary.
• Pamamaga: Itinuro ng isa pang pag-aaral na ang mga diskarte sa physical therapy na kinasasangkutan ng breast massage ay maaaring mabawasan ang pamamaga.
• Pagpapasuso: Ang pagmasahe sa dibdib ay hindi nangangahulugang direkta itong nagpapataas ng iyong suplay ng gatas, ngunit sinasabi ng mga eksperto na maaari nitong i-maximize ang dami ng gatas na maaari mong i-bomba o mailabas gamit ang iyong kamay at maimbak.

Pagsasagawa ng Therapeutic Breast Massage sa Lactation

Nasa ibaba ang mga tagubilin sa pagsasagawa ng breastfeeding massage therapy:

• Maghanap ng komportableng posisyon, mas mabuti kung saan ka nakahiga.
• Maglagay ng kaunting oil, tulad ng extra virgin coconut oil, sa iyong mga daliri.
• Magsimula sa isang dibdib; gamitin ang iyong mga daliri upang dahan-dahang i-massage ang lugar sa loob ng areola (ang mas maitim na bahagi sa paligid ng nipple).
• Pagkatapos, dahan-dahang imasahe ang buong dibdib gamit ang maliliit na pabilog na paggalaw. Salit-salit na tapikin gamit ang iyong mga daliri at masahin ang dibdib gamit ang likod ng iyong kamao.
• Ang isa pang paraan upang gawin ito ay ang paggamit ng iyong dalawang kamay. Ilagay ang apat na daliri sa itaas at ibaba ng dibdib at pagkatapos ay dahan-dahang i-pressure gamit ang mga circular motions. Pagkatapos, gawin ang parehong bagay sa magkabilang panig ng dibdib.
• Kung nais mong magpalabas at mag imbak ng gatas gamit ang kamay, idiin ang dibdib na may layuning “itulak” ang gatas pababa sa nipple. Tandaan: ang pagpapalabas ng gatas ng kamay bago at pagkatapos ng pagpapasuso ay nakakatulong na mawalan ng laman ang dibdib.
• Ipagpatuloy ang breastfeeding massage therapy sa loob ng 30 hanggang 45 minuto at pagkatapos ay magsimula sa kabilang suso.

Breastfeeding Massage Therapy: Engorgement at Mastitis

Tumutulong ang TBML na itaguyod ang pag-alis ng laman ng suso, na nagpapababa sa panganib ng labis na pamamaga at paglaki, ngunit kung maranasan mo pa rin ito, maaaring mapawi ng pamamaraang ito ang nasabing pamamaga. Bukod pa rito, ang pamamaraan sa ibaba ay maaari ring magpakalma sa mga sintomas ng mastitis.

• Magsimula sa isang dibdib at itaas ang iyong braso sa gilid na iyon.
• Gamit ang mahaba, paitaas na mga stroke, dahan-dahang idiin ang panlabas na bahagi ng dibdib sa kilikili, kung nasaan ang iyong mga lymph node.
• Gawin ang parehong bagay sa kabilang suso.
• Ngayon, imasahe ang mga panloob na gilid ng mga suso patungo sa lokasyon ng mga lymph node sa gitna ng dibdib.

Ang pamamaraan na ito ay tumutulong sa pag-alis ng likido na hindi mo direktang mapalabas mula sa suso, gamit ang iyong kamay.

Mga Karagdagang Paalala

Walang mahirap at mabilis na tuntunin pagdating sa breastfeeding massage therapy. Kung nahihirapan, kumunsulta sa iyong doktor.

Higit pa rito, tandaan na ang TBML ay isang paraan lamang upang mapabuti ang pangkalahatang karanasan sa pagpapasuso. Nasa ibaba ang ilan sa iba pang mga tip na maaari mong isaalang-alang:

Mga Pangunahing Konklusyon

Ang breast massage ay isang tool na may maraming layunin. Makakatulong ito sa maagang pag-detect ng kanser sa suso, bawasan ang lymphedema, at pagbutihin ang pangkalahatang karanasan sa pagpapasuso sa pamamagitan ng pagbabawas ng pananakit at pamamaga at pagtataguyod ng paggagatas.

Walang isang paraan sa pagmasahe ng dibdib, kaya kung nahihirapan ka o patuloy na mga sintomas, kumunsulta kaagad sa iyong doktor.

Matuto nang higit pa tungkol sa Pagpapasuso dito.