Gamot Sa Diaper Rash: Heto Ang Dapat Subukan

Ang diaper rash ay isang pangkaraniwang kondisyon na nagiging sanhi ng pananakit, pamamaga, at kung minsan, pangangaliskis ng balat ng sanggol. Maaaring ito ay tila nakakaalarma sa una, at ang mga sanggol ay may posibilidad na maging mas maselan, ngunit ito ay nagagamot. Magbasa pa upang malaman ang tungkol sa pinakamahusay na gamot sa diaper rash.

Ang diaper rash ay kadalasang napahuhupa sa pamamagitan lamang ng pagbabago sa pagda-diaper, o di kaya ay sa paggamit ng mga ointment. Mapapansin mo na ang pantal ay nawawala ng kusa.

Gamutin ang diaper rash sa lalong madaling panahon upang maiwasan itong mahawa ng bacteria o yeast.

Mga Sanhi ng Diaper Rash

Iritasyon mula sa mga enzyme

Kadalasan, ang diaper rash ay resulta ng pangangati, lalo na kapag ang lampin ay naiwan sa sanggol nang napakatagal. Ang mga enzyme sa tae at ihi ng iyong sanggol ay maaaring makairita sa kanyang sensitibong balat. Ang priksyon mula sa lampin at pagkiskis ay maaari ding maging sanhi ng mga pantal.

Yeast at bacteria

Ang yeast at bacterial infection ay isa pang salarin. Ang mga ito ay nabubuo mula  sa mainit at mamasa-masa na kapaligiran gaya ng loob ng lampin. Isa sa mga pinakamainam na paggamot sa diaper rash ay ang pagpapalit ng lampin ng sanggol kapag ito ay nababad at bumigat.

Hugasan ang lugar gamit ang sabon at tubig, pagkatapos ay patuyuin. Pagkatapos, mag-apply ng mga cream at ointment upang paginhawahin ang pangangati at bawasan ang pamumula. Pumili ng mga produkto na naglalaman ng petrolyo at zinc oxide.

Kailan Ako Dapat Pumunta sa Doktor?

Ang mga diaper rash ay kadalasang nawawala nang mag-isa sa mga pangunahing lunas na maaaring magawa sa bahay. Ngunit kung ang pantal ay nananatili pagkatapos ng ilang araw, o nagiging mga sugat, agad na humingi ng tulong sa doktor.

Ang iba pang mga palatandaan na dapat mong pag-ingatan ay ang pagpapaltos, na minsan ay nagkakakanana, lagnat, at kung ang iyong sanggol ay hindi humihinahon pagkatapos maligo at magpalit ng kanyang mga lampin.

Maaaring magrekomenda ang iyong doktor ng mga anti-fungal o antibiotic na cream para gamutin ang pantal. Kung ang sanhi ay isang allergic reaction, maaari rin silang magreseta ng mga steroid.

Papaano Maiiwasan ang Diaper Rash?

Ngayong alam mo na ang pinakamainam  na gamot sa diaper rash, mahalagang tandan ang mga stratehiya kung paano ito maiiwasan. Kabilang dito ang:

Matuto pa tungkol sa Mga Sakit sa Balat sa mga Bata dito.