backup og meta
Matuklasan
Mga Health Tool
Magtanong sa Doktor
I-save

Pagtulog Ng Bata: Mga Healthy Habits Na Dapat Tandaan

Narebyung medikal ni John Paul Abrina, MD · Oncology · Davao Doctors Hospital


Isinulat ni Niña Christina Lazaro-Zamora · a

    Pagtulog Ng Bata: Mga Healthy Habits Na Dapat Tandaan

    Ang mahimbing na pagtulog sa gabi ay bahagi ng healthy habits ng mga bata. Kapag ang isang bata ay maayos na nakapagpahinga, ang kanilang paglaki at pag-unlad ay nasa tamang track. Magagawa nilang higit na mag-focus sa kanilang pag-aaral at maisakatuparan ang mga gawain dahil magiging aktibo sila. Magkakaroon din sila ng mas mabuting pag-uugali kumpara sa isang inaantok, pagod na bata.

    pagtulog ng bata

    Bakit Mahalaga ang Mabuting Pagtulog ng Bata? 

    Sa kasamaang palad, ang mga modernong pamumuhay ay nagkaroon ng negatibong epekto sa healthy habits ng mga bata dahil ang parehong mga magulang at mga anak ay abala sa kani-kanilang iskedyul. May trabaho si nanay at tatay, ang mga bata ay may mga takdang aralin at mga gawain  matapos ang klase, at lahat ay gumugugol ng mahabang oras sa trapiko. Ang gabi ay puno ng ligalig at pagmamadali, na hindi nagtatakda ng kalmado at nakarerelaks na paligid at ang mga bata ay kailangan na kondisyon sa pagtulog. 

    Ang isang bata ay dapat makatulog ng 9 hanggang 11 oras upang masiglang gumising at makakilos nang maayos. Kung ang iyong anak ay kailangang gumising sa 6 ng umaga upang makapasok sa paaralan, nangangahulugan ito na ang pagtulog ay dapat na magsimula ng 8 ng gabi.

    Ang pagtatakda ng bedtime routine ay makatutulong sa iyo at sa iyong anak na makuha ang kinakailangang bilang ng oras ng pagtulog. Matutulungan nito ang iyong anak na magpahinga, makatulog, at manatiling nahihimbing sa buong gabi. Gumawa ng bedtime routine na bahagi ng healthy habits para sa mga bata upang maiwasan ang stress, problema sa pag-aaral, at pag-uugali, at matitiyak ang tamang paglaki at pag-unlad.

    Subukan ang mga tips na ito upang matulungan ang iyong mga anak na magkaroon ng mabuting mga gawi sa pagtulog na madadala nila hanggang sa pagtanda.

    1. No Late-Afternoon Naps

    Ang pagtulog  ng bata ay mahusay na refresh sa maliit na bata. Ngunit kung natulog sila nang pagabi, ang iyong mga anak ay hindi na aantukin sa takdang oras ng kanilang pagtulog. Pagurin ang iyong mga anak sa pamamagitan ng masasayang gawain sa umaga at saglit na matulog sa hapon. Ngunit siguraduhin na gisingin ang iyong mga anak pagtungtong ng 4 ng hapon. Ang mga bata higit sa 5 taong gulang ay hindi na talaga nangangailangan pagtulog sa tanghali, ngunit nangangahulugan ito na kailangan nilang matulog ng maaga at mas matagal na oras.

    2. Magtakda ng curfew sa electronic devices

    Ang entertainment na hatid ng mga video game, paboritong palabas sa TV, at social media ay maaaring maging nagpapasigla sa atin, ngunit mayroon ding isa pang kadahilanan kung bakit ang mga electronic devices na ito ang nagpapanatili na  gising sa iyong mga anak. Ang artipisyal na asul na liwanag mula sa mga screen ay nagpapahina sa melatonin, ang hormone na nagpapaantok sa atin. Samakatuwid, ang isa sa mga mabuting gawi para sa mga bata ay ang pagpapahingang malayo sa gadgets sa loob ng isa o dalawang oras bago matulog.

    3. Iwasan ang caffeine 

     Sa tingin natin ang caffeine ay nasa kape lamang (at hindi tayo dapat magpainom ng kape sa mga bata!), Ngunit ang caffeine ay sangkap din sa maraming paboritong pagkain ng mga bata tulad ng milk tea at tsokolate. Kaya kung nais ng iyong anak na antukin, bigyan sila ng mainit na gatas, at hindi mainit na tsokolate. Ang dessert pagkatapos ng hapunan ay maaaring ice cream, tiyakin lamang na hindi ito chocolate flavored.

    4. Magtakda ng Bedtime Routine

     Ang bedtime routine ay isa sa mga mabubuting gawi para sa mga bata na nagpapahiwatig na oras na para matulog. Ito ay maaaring pagsisipilyo ng ngipin, paliligo ng may maligamgam na tubig, pagsusuot ng malambot na pajama, pagbabasa ng libro, at pagdarasal. Siguraduhing manatili sa iyong bedtime routine upang ang isip ng iyong anak ay masanay na sa pagtulog.

    5. Gawin ng kwarto na isang lugar para sa pagtulog 

     Mahirap matulog kung ang silid ng iyong anak ay puno ng mga bagay na maaaring makaabala sa kanyang pagpapahinga. Tiyaking nakatabi na  ang lahat ng mga laruan ng iyong anak. Dapat ay walang TV o iba pang mga gadget sa kuwarto. Suriin ang kwarto at kailangang hindi masyadong mainit, o masyadong malamig, maingay, o maliwanag. I-dim ang mga ilaw sa oras ng pagtulog at basahin ang paboritong kuwento ng iyong anak gamit ang lampara. Pagkatapos ay i-off ang mga ilaw.

    Kung ang iyong anak ay may takot sa dilim, maaari kang maglagay ng isang maliit na ilaw malapit sa kama ngunit hindi ito dapat masyadong maliwanag.

    Key Takeaways

    Gawing bahagi ng healthy habits ng mga bata ang maayos at mahimbing na pagtulog sa gabi. Maaari mong maiwasan ang maraming mga problema sa pag-uugali tulad ng temper tantrums, pagiging magagalitin, pagiging lutang, at mga problema sa pag-aaral tulad ng kawalan ng kakayahang magpokus at mapanatili ang mga aralin sa pamamagitan lamang ng sapat na pagtulog ng bata na hindi bababa sa 9 oras sa bawat gabi. Ang kanilang wastong paglaki at pag-unlad ay nakasalalay sa tuloy-tuloy na tamang oras ng pagtulog. 

    Matuto nang higit pa tungkol sa kalusugan ng bata dito.

    Disclaimer

    Ang Hello Health Group ay hindi nagbibigay ng medikal na payo, diagnosis o paggamot.

    Narebyung medikal ni

    John Paul Abrina, MD

    Oncology · Davao Doctors Hospital


    Isinulat ni Niña Christina Lazaro-Zamora · a

    advertisement iconadvertisement

    Nakatulong ba ang artikulong ito?

    advertisement iconadvertisement
    advertisement iconadvertisement