Ano ang Lazy Eye, at Paano Ginagamot ang Kondisyon na ito sa Bata?

Ang Amblyopia ay kadalasan na tinutukoy bilang “lazy eye”. Isa itong karaniwang kondisyon sa mga sanggol at bata. Ano ang lazy eye? Ano ang mga sanhi ng lazy eye sa mga bata, at paano ito maitatama?

Amblyopia: Ano ang Lazy Eye?

Ano ang lazy eye? Ang lazy eye o amblyopia ay nangyayari kung ang mga mata ay nabawasan ng linaw ng paningin dahil hindi ito na-develop nang maayos. Dahil ang mahinang mga mata ay may malabong paningin, ang utak ay “binabalewala” ito sa paglipas ng panahon, natutuhan lang na gumana sa mas malakas na mata. Bagaman, bihira, posible rin para sa amblyopia na makaapekto sa parehong mga mata.

Mas maagang mapagagamot ang iyong anak para sa lazy eye, mas mainam. Ayon sa mga eksperto, ang utak at ang mga mata ay patuloy na natututo na parehong magtrabaho mula sa edad na 1 hanggang 7. Kaya’t kung gagamutin mo ang amblyopia habang nasa stage na ito, ang tsansa na siya ay magkaroon ng normal na paningin ay tataas.

Ano ang Lazy Eye? Mga Sanhi ng lazy eye sa mga bata

Ang amblyopia ay maaaring mag-develop dahil sa mga eye-related na problema tulad ng:

Strabismus

Ang strabismus ay kadalasan na tinatawag nating “duling” o “banlag” ay nangyayari kung ang mga mata ay hindi parehong nagtatrabaho. Sa madaling salita, ang mga mata ay misaligned o hindi “nakatingin” sa parehong direksyon.

Kung ang isang mata ay nakapokus nang diretso habang ang isang mata ay gumagalaw sa kaliwa, kanan, taas, o baba, ang misaligned na mata ay ang kadalasang mahina. Sa paglipas ng panahon, ang utak ay binabalewala ang mga larawan na ipinapasa ng mas mahina at lumilihis na mata, kaya ito tinawag na lazy.

Tandaan: Ang ibang mga tao ay napagbabaligtad ang lazy eye at strabismus, ngunit pakiusap na tandaan na hindi sila pareho.

Refractive errors

Isa pang posibleng sanhi ng lazy eye sa mga bata ay ang refractive error, na nangyayari kung ang mga mata ay hindi tamang nag-bend ng ilaw, na nagiging sanhi ng malabong paningin. Kung isa sa mga mata ay nakararanas ng mas malalang refractive error, maaari itong maging amblyopic.

Ang mga bata ay maaaring makaranas ng kahit na anong uri ng refractive errors sa mga sumusunod:

• Myopia o nearsightedness, kung hindi sila nakakikita nang malinaw, maliban kung ang bagay ay malapit sa kanilang mga mata.
• Hyperopia o farsightedness, kung hindi sila nakakikita nang malinaw maliban kung ang bagay ay malayo sa kanilang mga mata.
• Astigmatism, kung nakakikita sila ng malabong mga larawan.

Katarata

Ang katarata ay nangyayari kung ang mga normal na transparent na lens ng mga mata ay lumabo. Kung ang iyong anak ay ipinanganak na may katarata sa isang mata, ang utak ay maaari ring balewalain ito, na nagiging sanhi ng lazy eye.

Ptosis

Ang ptosis ay isa ring kondisyon na tumutukoy sa paningin ng bata.

Tinatawag ding “droopy eyelid,” ang ptosis ay nangyayari kung ang isa o pareho sa mga talukap ng mata ay nakagagambala sa paningin ng bata (nahaharangan nito ang bahagi ng paningin), ang utak ay maaaring hindi gumana sa apektadong mata, na humahantong sa amblyopia.

Mga banta ng amblyopia sa mga bata

Maliban sa mga nabanggit na sanhi sa itaas, ano ang lazy eye factors na nakatataas din ng banta sa bata na magkaroon ng amblyopia? Narito sila:

• Family history of lazy eye
• Developmental delay
• Premature birth
• Genetic na kondisyon, tulad ng Down Syndrome
• Craniofacial disorders

Lunas para sa lazy eye sa mga bata

Ang layon sa paggamot ng amblyopia ay kabilang ang:

• Pagtama ng kondisyon na sanhi ng lazy eye
• Pilitin ang utak na makilala ang signals na mula sa mas mahinang mata; kadalasan na ipagagamit sa bata ang lazy eye
• Paganahin ang parehong mga mata

Ang mga karaniwang paraan ng lunas ay:

Eye patch

Isa sa pinaka karaniwang paraan upang malunasan ang lazy eye sa mga bata ay ang pagsusuot ng eye patch upang matakpan ang mas malakas na mata. Sa ganitong paraan, mapipilitan ang mas mahinang mata na gamitin na lalakas din paglipas ng panahon.

Eye drops

Sa ibang mga sitwasyon, ang doktor ay pipiliin ang eye drops para sa nagpapalabo ng mas malakas na paningin ng mata. Bilang resulta, ang bata ay mapipilitan na makita ang mga bagay gamit ang kanyang lazy eye.

Eyeglasses

Sa wakas, ang doktor ay magdedesisyon sa salamin sa mata na makapagtatama ng refractive error, na hahayaan ang utak na makilala ang mga malinaw na imahe na mula sa parehong mga mata.

Tandaan

Kahit na pinaghihinalaan mo ang lazy eye sa iyong anak, pakiusap na huwag mo silang pasuotin ng eye patch nang hindi kumokunsulta sa doktor sa mata.

Tanging ang doktor lamang ang maaaring mag-diagnose ng problema sa paningin at magdesisyon sa pamamaraan ng lunas. Maaaring sabihin din nila sa iyo kung gaano kadalas at katagal na kinakailangan suotin o gamitin ng bata ang eye patch, drops, o salamin sa mata.

Matuto ng higit pa tungkol sa mga isyu sa kalusugan ng bata dito.