Sanhi ng Panganganak ng Marami, Ano-ano Nga Ba?

Bagaman ang maramihang pagbubuntis ay isang kapana-panabik na karanasan, may kaakibat itong panganib at komplikasyon. Alamin sa artikulong ito ang mga sanhi ng panganganak ng marami at panganib na kaugnay nito.

Sanhi ng Panganganak ng Marami

Ang maramihang pagbubuntis ay nangangahulugang ang isang ina ay nagbubuntis sa dalawa o higit pang sanggol nang isang beses lamang.

Ang sumusunod ay tatlong uri ng maramihang pagbubuntis: 

Fraternal o dizygotic twins ay ang pinaka-karaniwang uri ng maramihang pagbubuntis. Ang dizygotic ay nangangahulugang ang dalawang selula kung saan ang sanggol ay nabubuo gamit ang magkahiwalay na sperm at egg. Kaya naman ang kambal ay maaaring hindi magkamukha at maaari ding magkaiba ng kasarian dahil nagmula sila sa magkaibang cell. 

Identical o monozygotic twins ay nangyayari kapag ang fertilized egg ay nahahati sa dalawa. Ito ay mula sa iisang egg lamang o monozygotic, ang kanilang mga katangian at kasarian ay magkapareho. Lumalaki sila nang tila magkaparehong imahe ng isa’t isa. 

Sesquizygotic twins ay isang bagong konsepto para sa mga uri ng maraming pagbubuntis. Isa sa mga pag-aaral ay nagpapakita na ang dalawang magkaibang sperm cell ay maaaring maka-fertilized ng nahating egg cell. Mayroon itong katangian ng parehong fraternal at identical twins kung saan ang sanggol ay halos magkamukha ngunit nabuo sa pamamagitan ng dalawang sperm. 

Mga Sanhi ng Maramihang Pagbubuntis 

Isa sa mga sanhi ng maramihang pagbubuntis ay ang IVF o in vitro fertilization. May ilang kaso na mayroong dalawang embryo na nabubuo sa matres—mula sa IVF at ang isa naman ay mula sa natural na pagbubuntis. Based sa ilang obserbasyon, ang mga babaeng nasa higit sa 35 ang edad ay may mas mataas na tyansa ng maramihang pagbubuntis since mas mataas ang chance ng paglalabas ng higit sa isang egg cell sa kasagsagan ng kanilang siklo. At this point, kakaunti pa ang alam ng mga doktor sa tunay na dahilan ng identical at sesquizygotic twins. 

Mga Kondisyon Para sa Maramihang Pagbubuntis 

Nakapagpapataas ng tyansa ng maramihang pagbubuntis, pero hindi 100% ang garantiya, ang sumusunod na mga kondisyon: 

• Ang mga babaeng may edad 30 pataas ay nangangailangan ng mas mataas na lebel ng estrogen para makapag-function, na nakapagpapataas ng tyansa na makapag-prodyus ng higit sa isang egg cell. 
• May history ng kambal sa inyong pamilya, lalo na kung may kakambal ang babae. 
• Kung ang nakalipas na pagbubuntis ay sa kambal, posibleng kambal din ang susunod na ipagbubuntis. 
• Nakakaapekto rin ang lahi sa maramihang pagbubuntis. Ang mga African na babae ang may pinakamataas at ang mga Asyano naman ang may pinakamababang tyansa ng maramihang pagbubuntis. 
• Ang mga fertility treatment gaya ng ovulation medications at IVF ay nagbibigay ng mas mataas na tyansa para sa maramihang pagbubuntis. 

Mga Banta at Komplikasyon ng Maramihang Pagbubuntis 

1. Gestational Diabetes at hypertension- Mga kondisyong nakaaapekto sa kalusugan at paglaki ng kambal. 
2. Preterm birth- Ang mga sanggol ay hindi pa fully-developed sa panahon ng panganganak na maaaring maging sanhi ng mababang timbang pagkapanganak o mga depekto. 
3. Anemia- ang mga ina ay nangangailangan ng dobleng dami ng iron para masuportahan ang maramihang pagbubuntis. 
4. Twin-twin transfusion- Isang imbalance sa paglipat ng dugo sa pagitan ng mga identical twins, kung saan ang isa ay nakatanggap nang mas marami kaysa sa isa na nagiging sanhi ng mga developmental issues sa isa sa mga sanggol. 
5. Cesarean delivery- Dahil sa mayroong dalawang sanggol sa loob ng matres, magiging mahirap para sa mga ito na maging nasa tamang posisyon sa panganganak. 
6. Pagdurugo- ito ay maaaring mangyari sa pagkababae at cervix, na sanhi ng sumusunod na mga salik na kinabibilangan ng:

• Maagang pagbuka ng cervix (Incompetent Cervix) 
• Ang inunan ay humihiwalay sa matres at nakapaglilimita sa oxygen at sustansyang matatanggap ng sanggol (Placental Abruption) 
• Binabalutan ng inunan ang cervix na nagpapahirap sa vaginal delivery (Placenta Previa) 
• Pagkalaglag ng sanggol

Matuto ng higit pa ukol sa mga Paksang may Kinalaman sa Pagbubuntis dito.