Benepisyo Ng Bee Pollen, Ano Nga Ba?

Bagaman kilala ng nakararami ang honey bilang superfood, mabuti ba ang bee pollen sa iyong kalusugan? Alamin dito ang tungkol sa benepisyo ng bee pollen at mga side effect nito.

Ano Ang Bee Pollen?

Tinuturing na “male” fertilizing agent ng mga halaman ang pollen. Karaniwan itong maalikabok o nasa powdery yellow substance na makikita sa mga namumulaklak na halaman. Isa ang pollen sa mga pinakakaraniwang nagdudulot ng allergy.

Naglalakbay ang mga bubuyog at iba pang hayop mula sa isang bulaklak patungo sa iba pang bulaklak nang may dala-dalang pollen. Ang kinuha at inilipat na pollen mula sa bulaklak ang nagdudulot ng fertilization. Ito ang nagiging dahilan para magbunga ang bulaklak. Napakahalaga ng mga honey bee sa ecosystem dahil responsable sila sa pag-pollinate ng isang-katlo ng mga pananim na pagkain sa mundo.

Pagtapos kolektahin ng mga honey bee ang nectar sa mga bulaklak, bumabalik sila sa pugad nila. Habang ginagamit ang nectar sa paggawa ng honey, humahalo ang ilan sa mga pollen. Tinatawag na bee pollen ang mga pollen na galing sa mga bulaklak na nahaluan ng bee saliva. Ito ang pinaghalong enzyme, vitamin, mineral, protein, at antioxidant.

Bakit Mabuti Ang Bee Pollen Sa Kalusugan?

1. Nakakababa ito ng cholesterol at fat.

Nakita sa mga klinikal na pag-aaral na may hypolipidemic o fat-lowering properties ang bee pollen. Sinusuri ang bee pollen sa mga sample ng dugo. Matapos magbigay ng pollen, nagkaroon ng kapansin-pansing pagbaba ng blood lipid concentration at cholesterol.

Kilala rin ang low-density lipoproteins (LDL) bilang “bad” cholesterol at kadalasang nauugnay sa hypertension at atherosclerosis. Nagiging sanhi din ng mas advanced na sakit sa puso tulad ng heart attack at stroke ang dalawang kondisyon na ito.

Bilang dagdag sa masustansyang low-fat diet at moderate exercise, maaaring makatulong ang bee pollen pang-iwas sa dyslipidemia at sakit sa puso.

2. Nakatutulong ang bee pollen sa paglaban ng diabetes.

Katulad ng naunang nabanggit na benepisyo ng bee pollen, nakitang kaya ring pabutihin ng bee pollen ang hormone levels at response. May kaugnayan din ang pagbaba ng blood lipid concentration sa pagbabago sa insulin, testosterone, at thyroxine. Responsable ang mga hormones na ito para sa lipid breakdown at kinukuha ng cells.

Kaya rin magpababa ng blood sugar o hypoglycemic effects ang bee pollen. Sinasabing responsable dito ang mga unsaturated fatty acid, phospholipid, at phytosterol. Dagdag pa rito, nakatutulong din ang maraming insulin para pababain ang blood glucose levels.

3. Mayroon itong detoxifying properties.

Sa isang pag-aaral, binigyan ang mga daga ng maraming toxin at gamot na sumisira sa atay. Kabilang sa toxins ang paracetamol at alkohol. Ang naging resulta, tumaas ang liver enzymes sa dugo. Pagkatapos bigyan ng bee pollen, bumaba naman nang husto ang liver enzymes (sa safe levels). Ang bee pollen, na ibinigay kasama ng mga toxin, ang nagprotekta sa liver cells sa pagkasira nito.

4. Ang sikreto para manatiling bata?

Sino ba ang hindi gugustuhing maibalik ang oras, kahit kaunti lang? Tila ba may malakas din na antioxidant properties ang bee pollen. Naglalaman ng vitamin C at anti-inflammatory nutrients ang bee pollen. Nilalabanan ng antioxidants ang free radicals na sumisira sa cells at nagsasanhi ng pagtanda.

Mahalagang nutrient ang vitamin C sa pag-synthesize ng collagen. Napapanatili ng collagen ang kalusugan ng joints at nagpapabuti din ng skin elasticity, na nakababawas sa senyales ng pagtanda.

Dagdag pa dito, isang pag-aaral ang gumamit ng bee pollen bilang dietary supplement sa mga test animal. Dahil sa nutrients nito at antioxidant content, nabuhay nang mas matagal ang mga test subject kaysa sa inaasahang life span nila. Mahirap masukat ang pinahabang life span sa mga tao, ngunit halos magkatulad lang ang mga benepisyo dito.

5. Immune booster at natural na antibiotic

Kilala ang raw honey sa antibacterial at antifungal properties nito. Sa kabutihang palad, mayroon din ang bee pollen ng benepisyo na ito. May malakas na epekto ang extract ng bee pollen laban sa maraming karaniwang uri ng bakterya at fungi. May malawak itong spectrum coverage, na lumalaban sa parehong Gram positive at negative na bakterya.

Kahit isang allergen ang plant pollen, maaaring labanan ng bee pollen ang mga allergy. Nangyayari ito sa pamamagitan ng pagprotekta sa mga mast cell na responsable sa paglalabas ng histamine. Tinatawag naman na histamine ang isang substance na nagdudulot ng mga sintomas ng allergy tulad ng pamumula, pagtutubig ng mata, at sipon.

Mga Posibleng Side Effect Ng Bee Pollen

Sa kabila ng pagiging natural at pagkakaroon ng ilang benepisyo ng bee pollen, maaari pa rin ito magkaroon ng side effect. Kung alam na may allergy sa bubuyog, huwag na gumamit ng bee pollen. Maaaring magdulot ng anaphylactic reactions ang allergic reaction mula sa bee strings. Posibleng delikado sa buhay ang anaphylaxis, at isa ring medical emergency.

Narito ang mga palatandaan at sintomas ng allergic reaction sa bee pollen:

• Namumugtong talukap
• Namamagang labi
• Hirap sa paglunok at paghinga
• Mga pantal at makating balat

Para malaman kung mayroong allergy, maaaring sumailalim sa skin test. Magtakda ng appointment sa iyong doktor upang malaman kung mayroong allergy.

Matuto pa tungkol sa Mga Herbal at Alternatives dito.