Ano ang maaari mong gawin:
Maaari mo bang maiwasan ang bangungot sa pamamagitan ng pangangasiwa ng Brugada Syndrome?
Sa kasamaang palad, ang Brugada Syndrome ay isang namamanang kondisyon na sanhi ng depekto sa SCN5A gene. Pinipilit ng genetic defect na ito ang mga heart cells na abnormal na pamahalaan ang sodium (asin), na humahantong sa iregular na tibok ng puso. Sa ngayon, wala pa ring lunas para sa Brugada Syndrome, ngunit maaaring mong gawin ang mga sumusunod:
Alamin kung ikaw ay nanganganib. Ang kondisyong ito ay karaniwan sa mga asyano. Ito rin ay mas laganap sa mga lalaki kaysa sa mga kababaihan. At, ang mga sintomas nito ay maaaring makita kapag ang pasyente ay nasa pagitang edad na 16 at 70 taong gulang.
Mag-ingat sa mga senyales at sintomas. Kung nakararanas ka ng mga sintomas tulad ng palpitations, pagkahimatay, at seizure, kumunsulta kaagad sa iyong doktor. Sa pamamagitan ng isang health interview at ECG test, matutukoy nila kung mayroon kang Brugada syndrome.
Maging bukas sa isang ICD (matapos ang rekomendasyon ng doktor). Ang isang implantable cardioverter-defibrillator o ICD ay isang maliit na battery-powered device na inilalagay sa ilalim ng balat. Kapag nakadetect ito ng abnormal na tibok ng puso, nagpapadala ito ng kuryente sa puso upang i-reset ang ritmo nito.
Mahalagang Mensahe
Ang tanging paraan upang matukoy kung bakit binabangungot ang isang tao ay sa pamamagitan ng pagsasagawa ng autopsy sa katawan ng pasyente. Sumasang-ayon ang mga medikal na eksperto na bukod sa acute pancreatitis at Brugada syndrome, maraming iba pang medikal na kondisyon, tulad ng stroke, pag-aresto sa puso, o atake sa puso, na maaaring humantong sa biglaang pagkamatay habang natutulog ang isang tao.
Bagama’t hindi natin makokontrol kung ano ang sanhi ng bawat kaso ng bangungot, mayroon pa rin tayong kontrol sa ating pangkalahatang kalusugan. Kung nakakaranas ka ng abnormal o hindi maipaliwanag na mga sintomas, kumunsulta sa iyong doktor upang makakuha ka ng tamang paggamot.
Ang Hello Health Group ay hindi nagbibigay ng medikal na payo, diagnosis o gamot.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap