Paano matanggal ang dumi sa mata ng ligtas? Heto ang tamang paraan

Kung may bagay o dumi na nakapasok sa iyong mata, ang pagkuha dito ay maaring mahirap at nakakayamot. Madalas ang ating unang ginagawa ay kuskusin ang mga mata. Kaya lang ang anumang dumi sa ating mga mata ay maaaring delikado. Kahit na maliit na particle ay pwedeng magdulot ng malubhang pinsala sa talukap ng mata, cornea, at iba pang bahagi ng mata. Ang pinakamalala, maaaring masira ang paningin. Alamin kung paano matanggal ang dumi sa mata ng ligtas. 

Mga Tips Kung Paano Matanggal ang dumi sa Mata

1. Hugasan ang iyong mga mata

Kapag ito ay talsik ng chemical, hugasan agad ang mata bilang unang lunas. Isa itong paraan kung paano matanggal ang dumi sa mata. Mahalaga ang oras lalo na kung mga acidic o basic chemicals tulad ng bleach o suka. Maging ang shampoo at sabon ay maaaring maging sanhi ng pangangati. Ang mga chemical na ito ay maaaring mabilis na makapinsala sa sensitibong tissue ng mata at maging sanhi ng mga potensyal na malubhang epekto. 

Mabuti na lang, karamihan ng mga lab, paaralan, at klinika ay may mga eyewash station. Gayunpaman, kung na-expose ka sa mga chemical sa bahay, pwede ang running water mula sa lababo o gripo. Siguraduhing malinis at malamig ang tubig. Patuloy na banlawan ang mga mata ng tubig sa loob ng 5 hanggang 20 minuto. Kung may suot na contact lens, tanggalin ang mga ito habang naghuhugas ng mata. Makipag-ugnayan sa doktor o emergency services kung magpapatuloy ang mga sintomas.

2. Blink, blink, blink

Ang ating mga katawan ay may natural na mga reaksyon sa ilang mga stimuli. Dahil ang mga mata ay lubos na innervated, kahit na ang pinakamaliit na butil ng buhangin o hibla ay maaaring hindi komportable. Isa sa mga unang reaksyon ng mga mata ay ang pagkurap.

Ang pagkurap o pag-blink ay nangyayari nang napakabilis at maaaring maiwasan ang pagpasok ng mga particle. Kung isang foreign object ang nakapasok sa mata, ang pagkurap ng maraming beses ay kadalasang nag-aalis nito. Kung mas kumurap ka, mas malamang na maalis mo ang bagay nang hindi hinahawakan ang iyong mga mata. Isa itong simpleng paraan kung paano matanggal ang dumi sa mata.

3. Ang Pagluha

Bukod sa pagkurap, ang pagluha ay isa pang reaksyon sa eye irritants. Ang mga chemical at physical substances na pumapasok sa mata ay nagti-trigger ng pagtaas ng produksyon ng luha. Ito ay isa pang safety mechanism ng mata para maiwasan ang pinsala at mapanatili ang lubrication. Ang sapat na dami ng luha ay nakakatulong na ma-flush at matunaw ang nakakasakit na materyal. Hayaan ang iyong mata na lumuha ng kaunti sa halip na kuskusin o patuyuin agad. Gayunpaman, kung isang kemikal ay pumasok sa iyong mata, magpatuloy kaagad sa paghuhugas ng mata.

4. Subukan ang malambot na mga sanitary tool

Kung minsan, ang pagkurap at pagluluha ay hindi sapat para maalis ang foreign object na nakapasok sa mata. Para sa malalaking bagay tulad ng buhok o mga insekto, makakatulong ang paggamit ng malinis, hindi pa nagamit na tissue o cotton swab. Ang mga hibla ng mga ito ay maaaring mabisang kumukuha o itulak ang debris. Marahang idampi habang hawak ang tissue o cotton swab sa isang anggulo. Iwasan ang pinsala sa mata sa pamamagitan ng paggamit ng salamin na nakatayo o nakaupo. Huwag hawakan ang dulo ng tissue o bulak, dahil maaari itong magpasok ng mga mikrobyo.

5. Humingi ng tulong

Panghuli, ang paghingi ng tulong ay kung paano matanggal ang dumi sa mata ng ligtas. Lalo na kung parehong mata ang apektado. Ang ilang mga tao ay natatakot o nanginginig na hawakan ang kanilang mga mata kaya maaaring mahirap gawin ang ilan sa mga tip na ito. Ang paghingi ng tulong ay mahalaga kung ikaw ay nalantad sa isang kemikal. Habang ginagawa ang paghuhugas ng mata, ang iyong kaibigan ay dapat na namamahala sa pakikipag-ugnayan sa iyong doktor o emergency services kung kinakailangan. Bukod pa rito, mas malinaw nilang nakikita ang debris sa mata mo kaysa sa paggamit lamang ng salamin nang mag-isa. Siguraduhing hinugasang mabuti at tuyo ang kanilang mga kamay bago subukang tulungan ka.

HUWAG gawin ang mga ito:

• Do not blow on the eye

Huwag hihipan ang mata. Ito ay madalas na ginagawa. Ang paggamit ng hangin mula sa isang hairdryer o bibig ng ibang tao ay posibleng hindi malinis at maaaring matuyo ang mga mata. Tulad ng nabanggit sa itaas, ang mga luha ay isang natural na mekanismo ng mga mata upang alisin ang mga dayuhang bagay. Ang mga tuyong mata ay lumilikha ng higit na pangangati at pinapataas ang posibilidad ng mga abrasion ng corneal.

• Huwag gumamit ng mga kamay o matitigas na tools

Huwag hawakan o kuskusin ang iyong mga mata gamit ang iyong mga kamay, lalo na kung hindi ito malinis. Ito ay totoo lalo na kung maysuot ka na contact lens at plano mong tanggalin ang mga ito. Maaaring mapasok ng mga mikrobyo at dumi at magdulot ng higit pang pangangati.

Bukod pa rito, huwag gumamit ng matitigas na tool tulad ng mga toothpick o sipit upang alisin ang mga bagay. Hindi lamang ang mga ito ay matalim, ngunit ang kanilang mga ibabaw ay maaaring hindi pantay o hindi malinis. Ang mga ito ay maaaring magdulot ng mas malala pang abrasion ng corneal o mga tusok.

Panghuli, gumamit lamang ng tubig o normal na saline solution kapag naghugas ng mata. Ang malinis, na purified water ay mainam, pero ang tubig mula sa gripo ay sapat na sa mga emergency situation. Huwag gumamit ng tubig na mainit, discolored, o may insoluble particles. Ang eye drops ay kapaki-pakinabang upang mapataas ang moisture at mag-lubricate ng mga mata. Gayunpaman, ang isang bote ay hindi naglalaman ng sapat na dami upang epektibong hugasan ang mata sa loob ng 5 hanggang 20 minuto.  

Bukod pa rito, huwag gumamit ng ibang tubig gaya ng tubig dagat, tubig sa pool, o tubig-ulan. Hindi rin inirerekomenda ang mga likido tulad ng tsaa, kape, juice, o sports drink.

Key Takeaways

Ang pag-alam kung paano matanggal ang dumi sa mata mo nang maayos ay maaaring makaiwas sa iyo sa pinsala sa mga mata. Sundin ang mga tip na ito sa susunod na maramdaman mong may bumabagabag sa iyong mata. Kung nagpapatuloy o lumalala ang mga sintomas, makipag-usap sa doktor o agad na humingi ng medikal na atensyon.