backup og meta
Matuklasan
Mga Health Tool
Magtanong sa Doktor
I-save

Kailan Dapat Magpa Eye Checkup? Alamin Dito!

Sinuri ang mga impormasyon ni Lorraine Bunag, R.N.


Isinulat ni Lovely Carillo · a

Kailan Dapat Magpa Eye Checkup? Alamin Dito!

Kailan dapat magpa eye checkup ang isang taong hindi naman gumagamit ng salamin? Ang mga mata ay isa sa mga mahahalagang pandama. Ito rin ay kabilang sa mga pinaka sensitibong organs ng katawan. Kasing halaga  ng pag-aalaga sa ibang bahagi ng iyong katawan ang pangangalaga sa kalusugan ng iyong mata. Ang pangkalahatang pananaw tungkol sa eye checkup ay para lamang sa pagsusuri kung ano na ang grado ng salamin na gagamitin mo. Ngunit may higit pang mahalagang bagay sa pagsusuri sa mata kaysa sa pag-alam ng visual acuity. Ang isang buong pagsusuri sa mata ay sumasaklaw sa mas malalim na mga aspeto ng visual function.

Ano kaya ang nirerekomenda kung kailan dapat magpa eye checkup? Ang pagtukoy kung kailangan mo ng visual acuity test o mas komprehensibong pagsusuri ay nakabatay sa kasalukuyang kalusugan ng iyong mata. Samakatuwid, dapat ay regular na sinusuri ang iyong mga mata ng pinakamahusay na mga ophthalmologist upang mapanatili ang malusog na paningin. Ang mga bata ay nangangailangan ng mas madalas na komprehensibong pagsusuri sa mata kumpara sa mga matatanda. Inirerekomenda ng mga doktor na ang mga nasa hustong gulang ay dapat magpasuri ng mga mata nang hindi bababa sa isang beses sa loob ng 2 taon para sa pangkalahatang ocular function. Kapag ang iyong trabaho ay nangangailangan ng mabigat na visual engagement, magpa eye checkup nang mas madalas.

Mga Rason Kung Bakit Dapat Magpa Eye Checkup

Lumalala ang problema sa paningin 

Mahigit sa 150 milyong Amerikano ang gumagamit ng ilang uri ng corrective eyewear, gaya ng salamin o contact lens. Ang ilan ay nahihirapan makakita ng malayo dahil sa nearsightedness. Yung iba ay nahihirapang makakita ng malapitan dahil farsightedness. Kung mas nahihirapan kang basahin ang mga palatandaan sa kalsada o ang text sa screen kailan dapat magpa eye checkup?

Maaring mahirap ang pang-araw-araw na gawain kapag may problema sa paningin. Ngunit ang pananakit ng mata ay maaari ding maging sanhi ng pananakit ng ulo. Nangyayari ito kapag ang iyong mga mata ay hindi tumutuon ayon sa nararapat. Karaniwan, ang pananakit ng ulo na dulot ng pagkapagod ng mata ay nagaganap pagkatapos mong gamitin ang iyong mga mata sa mahabang panahon. Tulad ng pagbabasa, pagtatrabaho sa computer o kahit pananahi.

Kailan Dapat Magpa Eye Checkup: Mayroon Kang Mataas na Panganib Para sa mga Sakit sa Mata

May ilang mga bagay na maaaring mag pataas ng panganib na magkaroon ng mga sakit sa mata. Ang ilan sa mga ito ay wala sa iyong kontrol. Dapat kang magtanong tungkol sa pagpapa-checkup ng iyong mga mata bawat taon kung ikaw ay:

  • May personal o family history ng sakit sa mata, kabilang ang mga katarata, diabetic retinopathy, glaucoma o macular degeneration
  • Nagkaroon ng diabetes, na maaaring humantong sa diabetic retinopathy, glaucoma o katarata
  • Gumagamit ng computer sa buong araw
  • Nagsusuot ng contact lens
  • Nagkaroon ng operasyon sa mata o pinsala sa mata 
  • Nagkakaroon Ka ng Problema sa Mata? Kailan Dapat Magpa Eye Checkup?

    Kung sa tingin mo ay maaaring may mali sa iyong mga mata, huwag maghintay hanggang sa iyong susunod na appointment. Maaaring nakakaranas ka ng maagang palatandaan ng sakit sa mata o impeksyon sa mata o pinsala. Makinig sa iyong katawan kung nag-aalala ka tungkol sa kalusugan ng iyong mata,  Ang iba pang mga dahilan upang magpatingin sa iyong doktor sa mata ay maaaring kabilang ang:

    • Pag-aalis o pamumula sa isa o sa magkabilang mata
    • Sakit sa mata
    • Dobleng paningin
    • Floaters o maliit na batik na tila lumulutang sa iyong paningin
    • Mga bilog o halos sa paligid ng mga ilaw
    • Kislap ng liwanag

     Mga Allergy sa Mata

    Kung ang iyong mga mata ay pula at naiiruta ngunit wala kang nakikita sa mga ito, maaaring mayroon kang allergy. Maaaring hindi mo napansin ang mga palatandaan ng pagbahing, pag singhot, o baradong ilong. Ngunit maaari kang magkaroon ng allergy sa mata kung nakakaranas ka ng:

    • Pangangati
    • Pamumula
    • Nasusunog na pakiramdam
    • Malinaw at matubig na discharge

    Ang mga allergy sa mata ay maaaring sanhi ng:

    • Damo, puno at at iba pang allergen sa labas ng bahay
    • Mga allergen sa loob ng bahay, tulad ng amag at dust mites
    • Irritant tulad ng usok o pabango

    Depende sa kalubhaan, maaaring irekomenda ng iyong doktor sa mata na gumamit ka ng over-the-counter o mga inireresetang patak sa mata at mga gamot. Maaari ka rin nilang i-refer sa isang allergist, isang doktor na dalubhasa sa diagnosis at paggamot ng mga allergy.

    Disclaimer

    Ang Hello Health Group ay hindi nagbibigay ng medikal na payo, diagnosis o paggamot.

    Sinuri ang mga impormasyon ni

    Lorraine Bunag, R.N.


    Isinulat ni Lovely Carillo · a

    advertisement iconadvertisement

    Nakatulong ba ang artikulong ito?

    advertisement iconadvertisement
    advertisement iconadvertisement