backup og meta
Matuklasan
Mga Health Tool
Magtanong sa Doktor
I-save

Pampalaki ng dibdib na operasyon: Mga facts na dapat mong malaman

Narebyung medikal ni Janie-Vi Villamor Ismael-Gorospe, MD · General Practitioner


Isinulat ni Corazon Marpuri · a

    Pampalaki ng dibdib na operasyon: Mga facts na dapat mong malaman

    Ang pampalaki ng dibdib o augmentation mammoplasty ay isang operasyon na nagpapalaki ng laki ng dibdib sa pamamagitan ng paglalagay ng mga implant sa ilalim ng muscle ng dibdib o tissue ng dibdib. Bagama’t sa pangkalahatan ito ay isang simpleng pamamaraan, sinasabi ng mga doktor na maaaring ito ay isa pa ring life-changing decision.

    1. Ang Breast Augmentation sa Pilipinas ay Maaaring Maging Medyo Mahal

    Isa sa mga kailangan mong malaman tungkol sa pagpapalaki ng suso sa Pilipinas ay maaari itong magastos.

    Ang halaga ng implants lamang ay mula PHP30,000 hanggang PHP45,000. At syempre, kailangan mo ring gumastos sa iba pang mga bagay tulad ng bayad sa surgeon, mga gamot, at iba pang mga serbisyong nauugnay sa procedure.

    Para mabigyan ka ng ideya, ang isang klinika sa Las Pinas ay may presyong hindi bababa sa PHP145,000 para sa pampalaki ng dibdib.

    2. Tulad ng Anumang Operasyon, May Mga Panganib ang Breast Augmentation

    Lahat ng mga pamamaraan ng operasyon ay may mga panganib, at ang pampalaki ng dibdib ay hindi naiiba. 

    Pananakit ng dibdib

    Impeksyon

    Capsular contracture (kapag nabubuo ang mga tisyu ng peklat at nadistort ang hugis ng implant)

    Implant leakage or rupture

    Pagbabago sa posisyon ng implant 

    Mga pagbabago sa sensasyon ng dibdib o nipple

    Kung mangyari ang ilan sa mga risks na ito, maaari kang mangailangan ng karagdagang treatment o isa pang surgical procedure. Halimbawa para kumpirmahin ang isang ruptured implant, maaaring kailanganin mo ang magnetic resonance imaging (MRI) scan. Kapag nakumpirma, maaaring irekomenda ng doktor na tanggalin ang implant. Pagkatapos, kailangan mong magdecide kung papalitan ang implant o hindi na magpapalagay nito. Kung pipiliin mo ang huli, maaaring kailanganin mo ng corrective surgery o breast lift.

    3. Maraming Clinic ang Nag-aalok ng Breast Augmentation sa Pilipinas

    Bagama’t totoo na ang tagumpay (o kabiguan) ng pampalaki ng dibdib ay hindi lamang nakadepende sa kakayahan ng surgeon, lahat tayo ay maaaring sumang-ayon na ito ay isang malaking factor.

    May mga ulat ng mga kababaihan na nakakaranas ng preventable complications dahil hindi sila nakipag-ugnayan sa mga lisensyadong surgeon. Ang magandang balita ay, maraming rehistradong pasilidad ang nag-aalok ng breast augmentation sa Pilipinas. Ang magandang balita ay, maraming rehistradong pasilidad ang nag-aalok ng breast augmentation sa Pilipinas. Ilang malalaking pribadong ospital sa Luzon ang nag-aalok nito. Ngunit syempre, maaari ka ring maghanap ng mga klinika na dalubhasa sa augmentation mammoplasty.

    4. Ang Breast Augmentation ay Kaugnay ng Kanser

    Generally, ang mga implant ng pampalaki ng dibdib ay hindi nagiging sanhi ng kanser – gayunpaman ang isang uri ng implant ay nauugnay sa anaplastic large cell lymphoma (ALCL). 

    Ang ALCL ay isang hindi pangkaraniwang kanser ng immune system. Naniniwala ang US FDA na ang mga kababaihang pipili na magkaroon ng mga implant na may mga textured surface nagkakaroon ng napakababa, ngunit gayunpaman, tumaas ang panganib ng ALCL. 

    5. Hindi Ka Dapat Magmadali sa Pagpapasya

    Panghuli, ang pampalaki ng dibdib sa Pilipinas ay nangangailangan ng maingat na paghahanda. Hindi lang kailangan mong pumili ng dalubhasa at lisensyadong surgeon, kailangan mo ring:

    • Maingat na piliin ang iyong mga implant. Maraming uri ng pampalaki ng dibdib: saline-filled, silicone-filled, round shape, tear-drop shape, smooth, at textured. Ang bawat isa ay may iba’t ibang katangian. Halimbawa, ang tear-drop shaped ay mukhang mas natural kaysa sa hugis ng bilog, at pinipigilan ng naka-texture na uri ang muling pagpoposisyon ng implant.
    • Unawain na maaaring kailanganin mo ng higit sa isang operasyon, lalo na sa mga kaso ng mga komplikasyon.
    • Magpasya kung gusto mong magkaroon ng mga implant habang buhay. Ang ilang mga implant ay tumatagal lamang ng halos isang dekada.
    • Mahigpit na sundin ang mga utos ng surgeon. Malaki ang epekto ng iyong ginagawa sa tagumpay ng breast augmentation. 

    Key Takeaways

    Ang breast augmentation ay isang operasyon na nagpapalaki sa size ng dibdib gamit ang mga implant. At bagaman ito ay halos isang simpleng operasyon na tumatagal lamang ng halos isang oras o higit pa, ang pampalaki ng dibdib sa Pilipinas ay maaaring medyo magastos. 
    Kung magpasya kang magkaroon ng augmentation mammoplasty, mahalagang makipag-ugnayan ka sa isang licensed surgeon. Ang hindi paggawa nito ay maaaring magresulta sa mga komplikasyon na mapanganib sa iyong kalusugan.

    Disclaimer

    Ang Hello Health Group ay hindi nagbibigay ng medikal na payo, diagnosis o paggamot.

    Narebyung medikal ni

    Janie-Vi Villamor Ismael-Gorospe, MD

    General Practitioner


    Isinulat ni Corazon Marpuri · a

    advertisement iconadvertisement

    Nakatulong ba ang artikulong ito?

    advertisement iconadvertisement
    advertisement iconadvertisement