Ano Ang Vaginal Cuff, At Kailan Ito Ginagawa? Alamin Dito

Pamilyar ba kayo sa kung ano ang vaginal cuff at sa koneksyon nito sa mga kababaihan? Marahil ang ilan sa inyo ay hindi alam ang tungkol sa bagay na ito kaya naman mahalaga na mapag-usapan ito upang maging aware ang lahat sa kung ano ang vaginal cuff at bakit mahalaga ito para sa mga babae.

Ipagpatuloy mo ang pagbabasa ng artikulong ito para sa mga mahahalagang impormasyon tungkol sa vaginal cuff.

Ano Ang Vaginal Cuff?

Ano ang vaginal cuff? Ito ay isang bahagi sa upper portion ng vagina patungo sa peritoneum. Ito ay sinasara pagkatapos tanggalin ang cervix at uterus pagkatapos ng isang hysterectomy.

Kilala rin ang vaginal cuff bilang vaginal remnant kung saan ito ang natitirang tissue sa mga babae pagkatapos ng hysterectomy. Ito ay nabubuo kapag ang upper part ng ari ng babae ay tinahi pagkatapos matanggal ang cervix at matres. 

Sa madaling sabi, sa pamamagitan ng pagtatahi sa mga gilid o edges ng surgical site ay nagagawa ang vaginal cuff. At sa oras na mabuksan ulit ang cuff, asahan mo na pwedeng isagawang muli ang vaginal cuff repair para isaayos ito.

Bakit Isinasagawa Ang Vaginal Cuff?

Pwedeng masira at mabuksan muli ang cuff dahil sa mga sumusunod:

• Pakikipag-sex
• Kanser
• Problema sa kalusugan gaya ng constipation at pag-ubo na nagiging dahilan ng strain sa tiyan
• Pelvic organ prolapse
• Mga problema pagkatapos ng surgery tulad ng impeksyon, injury at pag-build ng dugo sa ilalim ng balat

Sa oras na muling mabuksan ang cuff, maaaring mag-lead ito sa mga komplikasyon. Narito ang mga komplikasyon na pwedeng maranasan:

• Blood clots
• Impeksyon
• Pagdurugo o bleeding
• Pagkasira ng ilang organs

Ano Ang Vaginal Cuff? Paano Ito Isinasagawa?

Bago ang procedure:

• Makipag-usap muna sa’yong doktor tungkol sa mga gamot na iniinom at iinumin.
• Isaayos ang paraan ng pagpunta sa ospital at pag-uwi mula sa operasyon.
• Huwag kumain o uminom ng kahit ano pagkatapos ng hatinggabi bago ang iyong procedure.

Tandaan mo rin na general anesthesia ang gagamitin para sa’yong operasyon at pwedeng isagawa ang procedure sa 3 paraan.

• Open — Ang hiwa o cut ay gagawin sa ibabang bahagi ng tiyan upang makita ng doktor ang cuff at maisara ito sa pamamagitan ng pagtahi. Sa oras na magawa na ito ng iyong doktor, asahan mong isasara ito gamit ang pagtahi, staple, at glue. Maglalagay din ang doktor ng benda para sa’yong sugat upang maiwasan ang impeksyon.
• Laparoscopic — Sa pamamaraan na ito, ang mas maliliit na hiwa ay gagawin sa tiyan at ang mga special tool ay ilalagay sa loob ng hiwa. Ang isang tool ay magpapadala ng images sa screen para makita ng doktor ang area. Ang ibang tool naman ay gagamitin upang ayusin ang cuff. 
• Vaginal — Walang paghiwa o cuts ang gagawin sa’yo sa pamamaraang ito dahil ang special na tool ay ipinapasok sa vagina ng isang babae, upang makapagpadala ng images sa isang screen para makita ng doktor ang area at maisara sa pamamagitan ng pagtatahi ang cuff.

Matuto pa tungkol sa Kalusugan ng Kababaihan dito.