Pagbabago ng paningin
Depende sa lokasyon ng tumor, ang isang tao ay maaaring makaranas ng doble o malabong paningin, maging bahagya o kumpletong pagkawala ng paningin.
Ang lahat ng taong may mga brain tumor ay maaaring hindi makaranas ng parehong mga sintomas. Maaaring malaki ang pagkakaiba ng mga ito depende sa kung aling bahagi ng utak matatagpuan ang naturang tumor.
Mga Partikular na Senyales ng Brain Tumor
Ang mga sumusunod ay mga tiyak na sintomas depende sa lokasyon ng tumor sa utak.
Occipital Lobe
Ang occipital lobe ay isang bahagi ng utak, na responsable para sa paningin. Kung ang isang tao ay dito nagkaroon ng brain tumor, kadalasan ay nakararanas sila ng mga problema sa kanilang paningin, partikular na ang bahagyang o kabuuang pagkawala ng kanilang paningin.
Cerebellum
Ang cerebellum ay madalas na tinutukoy bilang “little brain” dahil ito ang may pananagutan sa kung paano gumagalaw ang isang tao at kung gaano nila kahusay na mapanatili ang kanilang balanse. Kung mayroon kang brain tumor sa bahaging ito, malamang na makaranas ka ng mga sumusunod na sintomas:
- Pagkahilo
- Matinding pananakit at paninigas ng leeg
- Pagsusuka
- Nagkakaproblema sa pag-coordinate ng mga galaw
- Hindi makontrol nang maayos ang paggalaw ng mata
Pituitary gland
Ang pituitary gland ay isang maliit na gland na matatagpuan sa base ng utak, na responsable para sa paggawa ng mga hormone na mahalaga para sa paglaki ng isang tao, at thirst at temperature regulation, bukod sa iba pang mga function. Ito ay nagdudulot ng mga sumusunod na senyales ng brain tumor:
- Para sa mga kababaihan, ang tumor sa utak sa bahaging ito ng utak ay maaaring magdulot ng mga iregularidad sa menstrual cycle
- Para sa mga lalaki, paglaki ng dibdib o paglabas ng gatas mula sa mga utong
- Mga pagbabago sa mood
- Biglaang pagtaas ng timbang o pagbaba ng timbang
- Mga kamay o paa na mukhang namamaga
- Pagkapagod o kakulangan ng enerhiya
- Altapresyon
- Mga pagbabago sa paningin (madalas at marahil ang pinakaunang naobserbahang sintomas)
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap