Thunderclap headache: Ano ang uri ng sakit ng ulo na ito?

Ang thunderclap headache, tulad ng tawag dito ay mabilis at matinding umatake. May ibang sakit ng ulo at migraine na nararamdaman nang walang gaanong problema. Ngunit ang ganitong uri ng pananakit ng ulo ay maaaring isang medical emergency. Alamin dito kung ano ang thunderclap headache. At bakit marami ang nagsasabi na ito ang pinakamatinding sakit ng ulo sa kanilang buhay. 

Paano nangyayari ang pananakit ng ulo

Mayroong dalawang malawak na kategorya ng pananakit ng ulo: primary and secondary headaches. Ang primary headaches ay nahahati pa sa mga katangian tulad ng tension-type, migraine, stabbing, cluster, at iba pa.

Sa kabilang banda, ang secondary headaches, ay mga pananakit ng ulo na dulot ng isang hiwalay na illness o sakit. Ang mga impeksyon, trauma sa ulo, at mga tumor sa utak ay maaaring maging sanhi ng secondary headaches. 

Habang ang utak mismo ay hindi naglalaman ng mga receptor ng sakit, responsable ito sa pagtanggap ng lahat ng mga signal na nauugnay sa sakit mula sa ibang bahagi ng katawan at mga meninges. Ang mga meninges ay mga layer ng lamad na sumasakop at nagpoprotekta sa utak. Ito ay lubhang sensitibo sa mga pagbabago sa pressure at irritating substances.

Ang mga pananakit ng ulo ay nangyayari kapag ang mga vessel o meninges na nakapalibot sa utak ay na-stretch o na-damage. Bilang karagdagan, ang mga muscles sa palibot ng leeg at bungo ay maaaring magdulot ng pananakit ng ulo. Maaaring mag-trigger ng secondary headaches ang dehydration, meningitis, at mga tumor sa utak habang sila ay nagpapatuloy. Ang ilang mga gamot at maging ang low blood sugar ay maaaring mag-trigger ng pananakit ng ulo.

Bakit naiiba ang thunderclap headache?

Kahit na ang bawat sakit ng ulo ay may sariling mga katangian, sila ay posibleng tolerable at predictable. Halimbawa, kung nararamdaman mo ang tensyon sa muscles sa noo maaring asahan ang pagkakaroon ng tension headache. Samantala, maraming migraine sufferers ang nakakaranas ng aura bago maramdaman ang sakit.

Gayunpaman kung ano ang thunderclap headache ay nangyayari nang walang babala at tumitindi sa loob ng isang minuto. Karaniwang secondary headache ito. Kaya dapat imbestigahan kaagad ang underlying cause.

Depende sa iba pang sintomas, ang mga sanhi ay maaaring kinabibilangan ng mga sumusunod na kondisyon: 

• Pumutok na brain aneurysm
• Hemorrhagic stroke
• Pamumuo ng dugo
• Meningitis

Kung walang matukoy na underlying disease, ang thunderclap headache ay primary o idiopathic (hindi kilalang etiology o sanhi).

Sa younger adults na nakararanas ng ganitong uri ng pananakit ng ulo, maaari silang magkaroon ng reversible cerebral vasoconstriction syndrome (RCVS). Sa mga nakababatang nasa hustong gulang na nakakaranas ng ganitong uri ng pananakit ng ulo, maaari silang magkaroon ng reversible cerebral vasoconstriction syndrome (RCVS). Ang mga pag-aaral sa brain imaging ay magpapakita ng pattern ng “sausage on a string” ng ilang mga daluyan ng dugo. Maaaring mag-trigger ang RCVS ng maraming thunderclap headache sa loob ng ilang araw at mapataas ang panganib na magkaroon ng brain hemorrhage o stroke sa pagtagal.

Mga opsyon sa paggamot

Sa kasamaang palad, walang partikular na gamot o opsyon sa paggamot na magagamit para sa primary kung ano ang thunderclap headaches. Pagdating sa secondary-type thunderclap headaches, agad na gamutin ang pinagbabatayang sanhi. Makipag-ugnayan sa iyong doktor o pumunta kaagad sa emergency room. Kapag nalutas na, ang sakit ng ulo ay dapat mabawasan o ganap na mawala.

Ang pinakamatinding sakit ay mawawala ng ilang minuto pagkatapos ng matinding sakit. Ngunit pwede pa ring maramdaman ang moderate to severe pain sa loob ng ilang oras. Makakatulong ang bed rest, hydration, at OTC pain reliever. Para sa matinding pananakit, maaaring magreseta ang iyong doktor ng mas malalakas na pain reliever gaya ng mga opioid.

Pinakamahusay din na umiwas sa nagpapalala na substances at mga aktibidad. Huwag uminom ng mga gamot na maaaring magpasikip sa mga daluyan ng dugo, tulad ng mga steroid, anti-migraine medications, at cold preparations. Iwasan ang stress, mabigat na pagbubuhat, at mabibigat na ehersisyo dahil maaari itong mag-trigger ng pananakit ng ulo at RCVS.  

Key takeaways

Sa kabuuan, ang thunderclap headache ay isang seryosong kondisyon. Ang mga nakakaranas nito ay hindi lamang pagiging sensitibo o labis na reaksyon sa sakit. Maaari itong maging senyales ng isang bagay na mas malala pa, tulad ng ruptured brain aneurysm o meningitis. Kaya, kinakailangang humingi ng medikal na tulong sa lalong madaling panahon upang maiwasan ang karagdagang pinsala o kamatayan.