Ano ang Neuropathic Pain?
Ano ang neuropathic pain o nerve pain? Upang magkaroon ng malinaw na ideya kung ano ang neuropathic pain o nerve pain, mahalagang maunawaan ang mga sumusunod na termino:
Nociceptors. Ito ay mga nerve cell ending na nakatutuklas ng potensyal o aktwal na pinsala sa tissue. Kapag na-activate, nagpapadala ang mga ito ng mga signals sa utak, na nagpapasimula ng pandamdam ng sakit2.
Somatosensory System. Ito ang bahagi ng sensory nervous system hinggil sa may conscious perception ng mga sensasyon. Kabilang dito ang paghawak, presyon, pananakit, temperatura, posisyon, paggalaw, at vibration na nagmumula sa mga kalamnan, kasukasuan, balat, at mga lining ng mga daluyan ng dugo at organ3.
Ang sakit na nagmumula sa pag-activate ng mga nociceptor dahil sa potensyal o aktwal na pinsala sa tissue ng katawan ay tinatawag na nociceptive pain1. Ito ang paraan ng nervous system para sabihin sa iyo na may mali sa isang bahagi ng iyong katawan.
Sa kabilang banda, ang neuropathic o nerve pain naman ay nangyayari kapag may sugat o sakit ng somatosensory nervous system1. Sa madaling salita, nakararanas ka ng sakit dahil may isyu sa mga ugat na nagdadala ng sensasyon sa utak.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap