backup og meta
Matuklasan
Mga Health Tool
Magtanong sa Doktor
I-save

Antibiotic Para Sa STI: Anu-Ano Ang Karaniwang Nirereseta Ng Doktor?

Narebyung medikal ni Mae Charisse Antalan, MD · General Practitioner


Isinulat ni Lornalyn Austria · a

    Antibiotic Para Sa STI: Anu-Ano Ang Karaniwang Nirereseta Ng Doktor?

    Mayroong ilang iba’t ibang uri ng STI, lahat ng mga ito ay may iba’t ibang sanhi. Gayunpaman, ang bacterial infections ang dahilan ng karamihan sa mga STI. Para sa mga sakit na ito, ang pag-inom ng antibiotic para sa STD o STI ay ang karaniwan at pinakamabisang paraan ng paggamot.

    Magbasa pa para matuto pa tungkol sa mga antibiotic para sa STI, kung paano gumagana ang mga ito, ano ang mga side effect nito, at kung aling mga STI ang maaari nilang gamutin.

    Antibiotic Para Sa STD: Mga Karaniwang Inireresetang Antibiotic

    Bago ang lahat, mahalagang malaman na hindi ka dapat mag-medicate ng sarili gamit ang antibiotics. Ang pagte-take ng antibiotic para sa STI ay maaaring makapagpagaling. Ngunit maaari rin itong magdulot ng iba pang mga problema sa kalusugan.

    Ang biggest concern ay ang overuse ng mga antibiotic na maaaring maging sanhi ng antibiotic resistance. Nangyayari ito kapag ang isang bacteria, ay nagsisimulang magdebelop ng resistance sa antibiotics. Kung mangyari ito, ang gamot sa bacterial infection ay maaaring maging napakahirap dahil ang bakterya ay maaaring ma-withstand ang epekto ng mga antibiotic.

    Kung sa tingin mo ay may STI ka, ang pinakamagandang gawin ay ang bumisita sa doktor sa lalong madaling panahon. Bibigyan ka nila ng reseta at bibigyan ka ng payo kung paano pinakamahusay na ima-manage at gamutin ang iyong kondisyon.

    Narito ang ilan sa mga karaniwang inireresetang antibiotic para sa STD:

    Ceftriaxone

    Ang Ceftriaxone ay isang antibiotic na inireseta ng mga doktor para gamutin ang gonorrhea. Ang tipikal na dose ay ang pag-iinject ng 500mg ng Ceftriaxone intramuscularly. Makatutulong din ito sa gamot sa E. coli, pneumonia, at meningitis. Sa ilang mga kaso, ginagamit din ito sa mga pasyente na sasailalim sa operasyon upang maiwasan ang impeksyon.

    Tungkol sa STIs, may mga kaso kung saan ang isang tao ay maaaring parehong mahawaan ng gonorrhea at chlamydia. Kung mangyari ito, maaaring magreseta ang doktor ng Ceftriaxone kasama ng isa pang antibiotic para sa STI, na maaaring Doxycycline o Azithromycin. Ang kumbinasyong ito ng mga antibiotic ay dapat makatulong sa pagharap sa parehong mga impeksiyon.

    Doxycycline

    Ang Doxycycline ay kadalasang ginagamit na antibiotic ng mga doktor para gamutin ang ilang bilang ng mga bacterial infection. Pagdating sa STIs, ang Doxycycline ay partikular na epektibo sa paggamot sa chlamydia at syphilis sa kanilang mga unang yugto. Ang ilan sa mga posibleng side effect ng antibiotic na ito para sa STI ay ang pagduduwal at pagtatae.

    Bukod sa chlamydia at syphilis, inirereseta din ang Doxycycline bilang prophylaxis laban sa leptospirosis at para sa mga taong infected ng leptospirosis. Marahil ito ang isa sa mga pinakakaraniwang gamit ng antibiotic na ito sa Pilipinas, dahil ang leptospirosis infection ay medyo karaniwan lalo na sa panahon ng tag-ulan.

    Erythromycin

    Ang isa pang antibiotic para sa STD na inirereseta ng mga doktor ay ang Erythromycin. Habang ang mga doktor ay hindi karaniwang nagrereseta nito para sa chlamydia, maaari maging isang epektibong alternatibo ito para sa Doxycycline kapag ginagamot ang chlamydia.

    Marahil ay narinig mo na rin ang Erythromycin dati, dahil ginagamit din ito sa paggamot sa mga impeksyon sa mata, acne, pati na rin sa iba pang mga problema sa balat na dulot ng bakterya. Kapag ginamit ito para sa balat, karaniwang ay nasa anyo ito ng isang cream.

    Para sa treatment sa STIs, inirereseta ng mga doktor ang oral form ng Erythromycin.

    Azithromycin

    Panghuli, ang Azithromycin ay isang antibiotic na inirereseta ng mga doktor para sa chlamydia o gonorrhea. Karaniwang inirereseta ng mga doktor ang mga antibiotic na ito para gamutin ang mga STI. Pareho itong epektibo at walang masyadong side effect kumpara sa ibang nabanggit.

    Makakatulong din ito sa treatment sa mga impeksyon sa ilong, lalamunan, at sinus, gayundin sa pulmonya.

    Key Takeaways

    Maaaring magreseta ang isang doktor ng iba’t ibang uri ng antibiotic depende sa STI. Ito rin ay depende sa kalubhaan ng impeksyon, availability ng gamot, pati na rin ang anumang mga kondisyon na maaaring mayroon ang pasyente.
    Mahalaga ring tandaan na huwag makipagtalik kung umiinom ka ng iyong gamot. Ito ay dahil maaari ka pa ring makahawa sa iba ng STI. Sa hinaharap, makabubuting gumamit ng proteksyon para matiyak na maiiwasan mo ang mga STI sa tuwing nakikipagtalik ka.

    Matuto nang higit pa tungkol sa mga STI at STI dito.

    Disclaimer

    Ang Hello Health Group ay hindi nagbibigay ng medikal na payo, diagnosis o paggamot.

    Narebyung medikal ni

    Mae Charisse Antalan, MD

    General Practitioner


    Isinulat ni Lornalyn Austria · a

    advertisement iconadvertisement

    Nakatulong ba ang artikulong ito?

    advertisement iconadvertisement
    advertisement iconadvertisement