Halamang Gamot Sa Mahina Ang Baga, Anu-Ano Nga Ba?

Madalas na pangkalusugang problema, mapa bata man o matanda, ang pagkakaroon ng mahinang baga o asthma. Ito ay marahil maaaring magdulot ng iba’t ibang sintomas tulad ng paninikip o pananakit ng dibdib, pag-ubo, paghingal, at wheezing. Ngunit, bukod sa mga nakasanay na inhaler at mga tableta, pwede bang magbigay ng halamang gamot sa  mahina ang baga? Ibabahagi ng artikulong ito ang ilan sa mga posibleng makatulong sa iyo. 

Maikling Background Tungkol Sa Asthma

Bago tayo tumungo sa iba’t ibang mga posibleng halamang gamot sa mahina ang baga, ating kilalanin muna maigi ang naturang kondisyon. 

Ang asthma, o hika, ay tumutukoy sa isang sakit na naaapektuhan ang iyong mga baga. Para sa karamihan, ito ay isang pangmatagalang (chronic) kondisyon, lalo na kung nasa hustong gulang ka na noong una kang inatake nito. Samantala, minsan ay nawawala o bumubuti ito pagkatungtong ng mga bata sa kanilang teenage years. Ngunit, maaari rin itong bumalik kalaunan. 

Katulad ng nabanggit, nagdudulot ito ng mga sintomas tulad ng mga sumusunod:

• Pagkahingal (wheezing)
• Paninikip ng dibdib
• Pag-ubo (lalo na sa gabi o madaling araw)

Nangyayari ang asthma attacks kapag may bumabagabag sa iyong mga baga.

Malaki ang posibilidad na ikaw ay magkaroon ng naturang kondisyon kung mayroon sa inyong pamilya ay may hika. Maaaring gumanap ang atopy o ang genetic tendency na magkaroon ng allergic disease sa iyong pagkakaroon ng allergic asthma. Gayunpaman, hindi lahat ng hika ay maituturing na allergic. Maaari ito maging non-allergic kung ang asthma ay dulot ng mga iba’t ibang mga salik sa kapaligiran. Ilan sa mga allergens ay molds, dust mites, paninigarilyo, maging ang pag-eehersisyo. Ang air pollution at mga viral infection sa baga ay maaari ring humantong sa asthma. 

Sa kabilang banda naman, nangyayari ang occupational asthma kapag ang isang taong hindi kailanman nagkaroon ay naexpose at nagkaroon dahil sa kanyang trabaho. Kadalasan ito sa mga taong nagtatrabaho sa mga pabrika at konstruksyon. 

Mga Halamang Gamot Sa Mahina Ang Baga

Mayroon iba’t ibang mga paraan ng paggamot ng mahinang baga dulot ng asthma. Bukod sa mga inhalers, bronchodilators, at anti-inflammatory drugs, maaari mo ring ikonsidera ang paggamit ng mga halamang gamot sa mahina ang baga. 

Bawang

Ang una sa listahan ng mga halamang gamot sa mahina ang baga ay maaari mo na agad matagpuan sa iyong kusina. 

Ayon sa isang pag-aaral, mayroong kaakibat na ilang mga benepisyo sa kalusugan ang bawang. Dahil ang asthma ay isang inflammatory disease, makatutulong ang anti-inflammatory properties nito sa pag-ibsan sa mga sintomas na nararamdaman. Sa katunayan, isa pang maliit na pag-aaral na isinagawa sa mga daga ang nagbigay koneksyon sa paggamit ng parehong bawang at ginseng sa pagbawas ng mga sintomas ng hika.

Luya

Katulad ng bawang, ang luya na karaniwang sangkap din sa iba’t ibang mga putahe ay itinuturing ng iba na halamang gamot sa mahina ang baga. Ito rin ay nagtataglay ng mga anti-inflammatory properties na diumano’y mainam para sa malubhang hika.Ipinakita ng isang pag-aaral na ang pag-inom ng mga oral ginger supplements ay nagpapabuti ng mga sintomas ng hika. 

Turmeric

Ang turmeric ay isa namang dilaw na pampalasa na kadalasang inihahalo sa iba’t ibang mga pagkain. Ito ay nagmumula sa curcumin na taglay nito. Bukod sa pagbibigay nito ng kulay, tanyag din ang naturang compound upang mabawasan ang mga pamamaga. 

Sa isang pag-aaral, inobserbahan ng mga mananaliksik ang mga kalahok na mayroong mild hanggang moderate na asthma. Sila ay pinainom ng curcumin capsules sa loob ng 30 araw. Mula rito, napag-alaman ng mga mananaliksik na nakatutulong ito mabawasan ang airway obstruction, isang maaaring alalahanin sa mga taong mayroong hika. Bagaman ang resulta ng pag-aaral na ito, nangangailangan pa rin ng patuloy na pananaliksikat imnestigasyon upang matukoy ang mga benepisyo at panganib ng paggamit ng naturang halamang gamot sa mahina ang baga. 

Alamin ang iba pa tungkol sa Halamang Gamot dito.