Narebyung medikal ni Mary Rani Cadiz, MD · Obstetrics and Gynecology
Maaaring makaranas ka ng pangangati at pagkairita ng pepe o sa palibot nito. Isang sensitibong bahagi ng katawan ng babae ang pepe kaya maaari mo itong ikabahala, at dahil hindi dapat nakararanas ng pangangati ang malusog na pepe.
May iba’t ibang dahilan ang rashes (o pantal) sa vulva at sa vagina. Sa article na ito, iisa-isahin natin ang mga maaaring dahilan ng rashes sa vulva, sa labas na bahagi ng ari, kasama ang labia at vaginal opening, at sa loob na bahagi ng pepe.
Narito ang mga posibleng sanhi ng rashes sa vulva at pepe:
Isa sa maaaring sanhi ng pantal sa vpepe ang vaginitis. Vaginitis ang ginagamit na tawag sa mga disorder sa pepe na dulot ng pagbabago sa normal na vaginal flora, impeksyon, o pamamaga. Kasama ng pangangati o pagpapantal, maaaring kabilang sa iba pang sintomas ang:
Maraming uri ng vaginitis. Ilan sa mga ito ang bacterial vaginosis (paglaki ng bacteria sa loob ng vagina), yeast infections (uri ng yeast na tumutubo sa vagina), at trichomoniasis (parasite na naipapasa sa pakikipagtalik).
Ang pagbaba ng estrogen levels (madalas sa kababaihang nag-me-menopause), foreign bodies tulad ng mga condom, tampons, allergens at irritants (douches, washes, at iba pa), at mga sakit sa balat ay maaari ding sanhi ng vaginitis.
Naaayon sa uri ng vaginitis ang treatment dito.
Komunsulta agad sa doktor kapag nakaranas ng hindi pangkaraniwang vaginal discomfort na may kasamang mga sintomas na:
Karaniwang sakit na nagdudulot ng pagputi at patches sa balat na madalas makikita sa anogenital. Mukhang mas manipis ang apektadong balat kaysa sa normal. Kahit na maaaring mangyari ito sa iba pang bahagi ng katawan, mas madalas ito matagpuan sa palibot o malapit sa ari o puwet. Posibleng kahit sino ay magkaroon ng lichen sclerosus. Ngunit mas mataas ang panganib sa mga postmenopausal women kumpara sa iba. Isa ang Lichen sclerosus sa mga bihirang sanhi ng rashes sa vulva at maging sa pepe.
Kabilang sa ilang mga sintomas ng lichen sclerosus ang:
Hindi pa tiyak ang sanhi ng lichen sclerosus. Hinala ng mga doktor, may kaugnayan ang lichen sclerosus sa immune system.
Maaaring mangyari ang contact dermatitis kung madikit ang genital area sa mga materyal na magsasanhi ng irritation o allergic reaction. Mga produkto tulad ng sabon, feminine wash, lotion, o pabango ang posibleng magsanhi ng contact dermatitis sa vulva.
Nangyayari ang contact dermatitis sa vagina kapag ang isang babae ay may allergy sa latex condoms.
Isang sakit sa balat na nagsisimula sa makakating patches sa balat. Karaniwang uri ng neurodermatitis ang lichen simplex chronicus na maaaring sanhi ng pagpapantal ng vulva at pepe. Lalong mangangati ang mga patches kapag kinamot ito. Humahantong lamang ang itch-scratch cycle sa pagsusugat ng sensitibong vulvovaginal skin.
Nagiging leathery at makapal ang bahagi na apektado ng chronic neurodermatitis dahil sa pagkakamot. Bagamat hindi ito mapanganib sa buhay at hindi nakahahawa, nagdudulot naman ito ng matinding discomfort. Narito ilang mga senyales na mayroon kang neurodermatitis:
Maaaring humingi ng tulong medikal mangyaring makasagabal ang neurodermatitis sa araw-araw na pamumuhay. Madalas na nauugnay dito ang emotional triggers at stressors tulad ng anxiety, depresyon, o obsessive-compulsive disorder. Panghuli, isaisip na maaaring magdulot ng sugat, impeksyon at iba pang komplikasyon ang madalas na pagkakamot sa apektadong bahagi ng balat.
Ang psoriasis ay karaniwang sakit sa balat na nakakaapekto sa kahit saang bahagi ng katawan, kabilang na ang genitals at anus. Namumuo ang mga cells sa ibabaw ng balat dahil sa mas mabilis na life cycle nito. Maaaring kumati at sumakit ang sobrang balat. Narito ang mga sintomas ng psoriasis:
Habang wala pang tuwirang lunas sa psoriasis, maaari pa ring patnubayan at pahupain ang kalagayang nito.
Karaniwang nakakahawang sakit sa balat, nagsasanhi ang molluscom contagiosum ng patches na maliit at makinang na pulang bumps sa balat, kabilang na sa pubic area. Mas madaling kapitan ng naturang sakit ang mga nasa hustong gulang na may mahinang immune system. Naipapasa ito sa pamamagitan ng pakikipagtalik. Maaari ding makuha ang impeksyon kung ang ari ay madikit sa mga bagay na may virus, tulad ng tuwalya, sapin ng upuan, o underwear.
Posibleng sintomas ang mga bumps sa balat na:
Mag-ingat sa pagtanggal kung mapansing ang bumps ay may pagkakahalintulad sa mga nakalista sa itaas. Sa pagkakamot at pagtatanggal ng mga bumps, maaaring kumalat sa ibang bahagi ng katawan at lumipat sa ibang tao ang virus. Self-limited ang sakit na ito, nangangahulugang mawawala nang kusa at hindi mapanganib.
Ang scabies ay isang sakit sa balat na sanhi ng mite o parasite na pumasok sa loob ng balat.
Narito ang mga sumusunod na sintomas na nagsasabing maaaring mayroon kang scabies:
Lubos na nakakahawa ang scabies at marapat na mabigyang lunas agad.
Ang Sexually Transmitted Infection ay maaari ding sanhi ng rashes sa pepe. Palatandaan ng herpes at syphilis ang pamumula, irritation, pamamaga, at pangangati ng genital area.
Ang rashes sa pepe ay nagdudulot ng hindi magandang pakiramdam at iba pang sintomas tulad ng:
Nakadepende ang treatment ng rashes sa pepe sa sakit o impeksyon na iyong nararanasan. Sumangguni sa doktor upang makatanggap ng tamang treatment. Maaaring magreseta ang doktor ng topical o oral medication batay sa iyong kalagayan.
Narito ang ilang magandang paraan upang maiwasan ang rashes sa pepe.
Kung may iba pang katanungan, mabuting sumangguni sa doktor upang mas maunawaan nang mas mainam na solusyon para sa iyo.
Disclaimer
Ang Hello Health Group ay hindi nagbibigay ng medikal na payo, diagnosis o paggamot.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap