Sinecod: Para sa Anong Sakit Ang Gamot Na Ito?

Ang Sinecod Forte ay isang gamot na ginagamit upang sugpuin o ihinto ang pag-ubo. Ang generic na pangalan nito ay butamirate citrate.

Mga Gamit 

Ano ang gamit ng Sinecod Forte?

Ang Sinecod Forte ay karaniwang ginagamit para sa may symptomatic na ubo mula sa iba’t ibang sanhi. 

Paano ko dapat inumin ang Sinecod Forte?

Ang gamot na ito ay iniinom sa pamamagitan ng bibig  at maaaring  inumin kahit may kinain o wala. 

Gamitin ang tasa na kalakip nito bilang panukat para sa tamang dose. Linisin at patuyuin ang tasang panukat  pagkatapos gamitin.

Dapat mong ihinto ang pagkuha ng gamot na ito kapag nawala na ang mga sintomas.

Laging isaalang-alang sa pag-inom ng gamot ang nakasulat sa leaflets at ang sinabi ng iyong doktor o pharmacist. Kumonsulta sa iyong doktor o pharmacist kung hindi ka sigurado.

Paano ko iimbak ang produktong ito?

Ang Sinecod Forte ay mainam na nakaimbak sa silid na ang temperatura ay  malayo sa direktang liwanag at kahalumigmigan (humidity). Upang maiwasan ang pagkasira ng gamot, hindi mo dapat itabi ang produktong ito sa banyo o sa freezer.

Maaaring may iba’t ibang tatak ng butamirate citrate na maaaring may iba’t iba ring directions sa pag-iimbak. Mahalagang suriin ang pakete ng produkto para sa mga tagubilin sa pag-iimbak, o tanungin ang iyong pharmacist. Para sa kaligtasan, dapat mong ilayo ang lahat ng gamot sa mga bata at alagang hayop.

Hindi mo dapat i-flush ang produktong ito sa banyo o ibuhos ang mga ito sa kanal maliban kung ito ay inutos na gawin mo. Mahalagang maayos na itapon ang produktong ito kapag ito ay nag-expire na o hindi na kailangan. Kumonsulta sa iyong pharmacist  para sa higit pang mga detalye tungkol sa kung paano ligtas na itapon ang iyong produkto.

Mga Pag-iingat at Babala 

Ano ang dapat kong malaman bago gamitin ang Sinecod Forte?

Kausapin ang iyong doktor o pharmacist kapag umiinom ng butamiratе kung:

• Ikaw ay allergic sa butamirate citrate o alinman sa iba pang sangkap ng gamot na ito.
• Nagpapatuloy ang iyong ubo pagkatapos inumin ang gamot na ito sa inirekomendang dose
• Ang iyong ubo ay tumatagal ng mas mahaba sa 4 hanggang 5 araw o kung ikaw ay nilalagnat, kinakapos sa paghinga, o pananakit ng dibdib.

Gayundin, dapat mong tandaan na ang:

• Ang butamiratе ay hindi dapat gamitin sa mga bata o kabataan na wala pang 18 taong gulang.
• Ang gamot na ito ay hindi dapat gamitin sa mahabang panahon.
• Huwag gamitin ang gamot na ito sa ubo nang mas matagal kaysa sa sinabi sa iyo ng iyong doktor o pharmacist..
• Ang butamiratе ay maaaring magdulot ng antok at pagkahilo. Dapat itong gamitin nang may pag-iingat kung nagmamaneho ka o gumagamit ng mga makina.

Ligtas ba sa panahon ng pagbubuntis o pagpapasuso? 

Pagbubuntis 

Kung ikaw ay buntis, maaaring buntis, o nagpaplano na magkaroon ng isang sanggol, tanungin ang iyong doktor o pharmacist para sa kanilang payo bago inumin ang gamot na ito.

Hindi ka dapat uminom ng butamirate sa panahon ng unang tatlong buwan ng pagbubuntis. Dapat ka lamang uminom ng butamiratе sa panahon ng ikalawa o ikatlong tatlong buwan ng pagbubuntis kung pinayuhan ka ng iyong doktor na gawin ito.

Pagpapasuso

Hindi ka dapat kumuha ng butamirate kung ikaw ay nagpapasuso.

Mga Side effect 

Anong mga epekto ang maaaring mangyari sa Sinecod Forte? 

Tulad ng lahat ng mga gamot, ito ay mayroong mga side effect, bagaman hindi lahat ay makakakuha ng mga ito. Ang sumusunod na side effect ay maaaring mangyari 

•  Inaantok 
•  Pagkahilo 
•  Pagduduwal 
•  Pagtatae (diarrhea) 
•  Makating balat  
•  Allergic reaction 

Ang mga masamang reaksyon ay:

• Mga sakit sa Nervous system  (somnolence)
• Gastrointestinal na sakit (pagduduwal, pagtatae)
• Mga sakit sa balat at subcutaneous tissue (urticaria)

Hindi lahat ay nakararanas ng mga side effect na ito. Maaaring may ilang mga side effect na hindi nakalista sa itaas. Kung mayroon mang mga alalahanin tungkol sa side-effect, mangyaring kumonsulta sa iyong doktor o pharmacist.

Interaksyon 

Anong mga gamot ang maaaring makasama ng Sinecod Forte? 

Ang Sinecod ay maaaring makasama ng iba pang mga gamot na kasalukuyang iniinom mo, ngunit maaaring magkaroon ng  malaking pagbabago kung paano ang gamot ay gumagana sa iyong katawan at ang malaking panganib nito o mga side effect.

Upang maiwasan ang anumang mga potensyal na interaksyon ng gamot, dapat mayroon ka ring listahan ng lahat ng mga gamot na iniinom mo (kabilang ang mga niresetang gamot, mga gamot na hindi nireseta, at mga herbal na produkto) at sabihin ito sa iyong doktor at pharmacist. Para sa iyong kaligtasan, huwag magsimula, huminto, o baguhin ang dosage ng anumang gamot nang hindi aprubado ng inyong doktor.

Ang pagkain at alkohol ba ay maaaring makasama ng  Sinecod Forte? 

Ang Sinecod ay maaaring makasama ng pagkain at alkohol bagama’t maaaring magkaroon ng  malaking pagbabago sa kung paano ang gamot ay gumagana at ang malaking panganib nito o  mga side effect nito. Samakatuwid, sumangguni sa iyong doktor at pharmacist tungkol sa anumang mga potensyal na pagkain at alkohol bago gamitin ang gamot na ito.

Anong mga kondisyon sa kalusugan ang maaaring uminom ng Sinecod Forte? 

Tulad ng iba pang mga gamot, ang produktong ito ay maaaring maging sanhi ng mga pagsama-sama. Maaaring palalain ang iyong kalagayan sa kalusugan o baguhin ang paraan ng bisa ng gamot. Iyon ang dahilan kung bakit mahalaga na palaging ipaalam sa iyong doktor at pharmacist ang lahat ng mga kondisyon sa kalusugan na kasalukuyang mayroon ka.

Ang ilang mga kondisyon na maaaring makipag-interkasyon sa gamot na ito.

• Mga problema sa bato (kidney / renal problems) 
• Problema sa atay (hepatic)

Dosage 

Ang impormasyong ibinigay ay hindi pamalit sa anumang medikal na payo. Samakatuwid, dapat kang LAGING kumonsulta sa iyong doktor o pharmacist bago simulan ang pag-inom ng gamot na ito.

Ano ang dose ng Sinecod Forte para sa  may sapat na gulang? 

Ang maximum na tagal ng self-medication o over-the-counter treatment ay isang linggo. Para sa mga sintomas na patuloy na lampas sa panahong ito, kumonsulta sa iyong doktor.

Tabletas

Ang inirerekomendang dose ay 2 o 3 tableta araw-araw sa 8 o 12-oras na mga agwat. Lunukin ang bawat tableta nang hindi dinidurog o nginunguya ito.

Syrup 

Para sa mga matatanda: Ang inirerekomendang dose ay 15 ml hanggang 4 na beses araw-araw.

Hugasan at patuyuin ang panukatang tasa pagkatapos ng bawat paggamit at kung may ibang gumagamit nito. 

Ano ang dose ng Sinecod Forte para sa isang bata? 

Tabletas

Higit sa 12 taong gulang: Ang inirerekomendang dose ay 1 o 2 tablet araw-araw.

Syrup 

3 hanggang 6 na taong gulang: Ang inirerekomendang  dose ay isang kutsarita (5 ML), 3 beses araw-araw.

6 hanggang 12 taong gulang:  Ang inirerekomendang dose ay 2 kutsarita (10 ML), 3 beses araw-araw.

Higit sa 12 taong gulang:  Ang inirerekomendang dose ay isang kutsara (15 ML), 3 beses araw-araw.

Anong Sinecod Forte ang available? 

Ang produktong ito ay makukuha sa mga sumusunod na dosage at anyo. 

• Syrup na naglalaman ng 7.5 mg butamirate citrate bawat 5 mL (available sa 120 mL na bote)
• Tabletas, sustained-release film-coated na naglalaman ng 50 mg butamirate citrate bawat tableta.

Ano ang dapat kong gawin sa kaso ng isang emergency o overdose? 

Sa kaso ng isang emergency o overdose, tawagan ang iyong mga local emergency services o pumunta sa iyong pinakamalapit na emergency room. Bukod pa rito, walang mga tiyak na antidotes para sa gamot na ito. Dahil, ang paggamot ay symptomatic lamang o pansuporta lamang.

Ano ang dapat kong gawin kung nakaligtaan ko ang isang dose? 

Kung napalampas mo ang isang dose, uminom sa oras na kailangan mo itong inumin at sa iyong pagkakatanda.  Gayunpaman, kung ito ay halos mahabang oras na ang nakalipas  para sa iyong susunod na dose, laktawan ang nalampasan  na dose at uminom  sa regular na dose na  naka-iskedyul. Pinakamahalaga, huwag uminom ng dalawang beses.